തുടര്‍ച്ചയായി ആണവപരീക്ഷണങ്ങളിലൂടെ ലോകത്തിനു ഭീഷണി ഉയര്‍ത്തുന്ന ഉത്തരകൊറിയയെ ചൈനയും കൈവിടുന്നതായി സൂചന. നേരത്തെ ഉത്തരകൊറിയയ്‌ക്കെതിരെ യുഎന്‍ ഉപരോധം പ്രഖ്യാപിച്ചിരുന്നു ഇതിനു പിന്നാലെയാണ് ഉത്തരകൊറിയയമായുള്ള വ്യാപാര ബന്ധത്തില്‍ ചൈന നിയന്ത്രണം ഏര്‍പ്പെടുത്തുന്നത്. ഉത്തരകൊറിയയുടെ പ്രധാന വ്യാപാര പങ്കാളിയാണ് ചൈന.

ഹൈഡ്രജന്‍ ബോംബ് പരീക്ഷണത്തിനു പിന്നാലെയാണ് ഉത്തരകൊറിയയ്ക്കു മേല്‍ ഐക്യരാഷ്ട്ര സംഘടന ഉപരോധം ഏര്‍പ്പെടുത്തിയത്. ഇരുരാജ്യങ്ങള്‍ക്കും ഇടയില്‍ മികച്ച സൗഹൃദ ബന്ധമാണ് നിലനിന്നിരുന്നത് ഉത്തരകൊറിയയ്ക്കു വിദേശ കറന്‍സി എത്തിച്ചു കൊടുക്കുന്നതും ചൈന ആയിരുന്നു. ചൈനയുടെ ഉപരോധത്തോടെ വ്യാപാര രംഗത്ത് ഉത്തര കൊറിയ വലിയ പ്രതിസന്ധിയാണ് നേരിടാന്‍ പോകുന്നത്.