ദക്ഷിണകൊറിയയെ ആശങ്കയിലാഴ്ത്തി വീണ്ടും ഉത്തരകൊറിയ. ഐക്യരാഷ്​ട്ര സഭ ഏർപ്പെടുത്തിയ ഉപരോധങ്ങൾ നില നിൽക്കേ ഉത്തരകൊറിയ കൂടുതൽ മിസൈൽ പരീക്ഷിക്കാനൊരുങ്ങുന്നതായി റിപ്പോർട്ട്​. നിർമാണശാലയിൽ നിന്ന്​ മിസൈലുകൾ ഉത്തരകൊറിയൻ തലസ്ഥാനമായ പ്യോങ്​യാങ്ങി​​ൻറ വടക്കൻ പ്രദേശത്തേക്ക്​ കൊണ്ടു പോയത് ​സംബന്ധിച്ച വിവരം ലഭിച്ചുവെന്ന്​​ ദക്ഷിണകൊറിയയുടെ രഹസ്യാന്വേഷണ എജൻസിയുടെ അവകാശപ്പെട്ടു.

എന്നാൽ ഇതുസംബന്ധിച്ച സ്ഥിരീകരണം ഉണ്ടായിട്ടില്ലെന്ന്​ ദക്ഷിണകൊറിയൻ രഹസ്യാന്വേഷണ എജൻസി അറിയിച്ചു.ഐക്യരാഷ്​ട്ര സഭ ഏർപ്പെടുത്തിയ ഉപരോധങ്ങൾക്കു പുറമെ ചൈന ഉത്തരകൊറിയയുമായുള്ള വ്യാപാര ബന്ധങ്ങളിൽ ഉപരോധം ഏർപ്പെടുത്തിയിരുന്നു. ഉത്തരകൊറിയയുമായി വളരെ അടുത്ത ബന്ധമുള്ള രാജ്യമാണ് ചൈന.