സിറിയന്‍ തലസ്ഥാനമായ ഡമസ്‌കസില്‍ വിവിധ ആക്രമണങ്ങളില്‍ 30ഓളം പേര്‍ കൊല്ലപ്പെട്ടു. മരിച്ചവരില്‍ 17 സിവിലിയന്മാരും 10 ഹിസ്ബുല്ലക്കാരും പെടുന്നു. ഡമസ്‌കസിലെ ഒരു പൊലീസ് സ്‌റ്റേഷനിലുണ്ടായ രണ്ട് ചാവേറാക്രമണങ്ങളിലാണ് 17 സിവിലിയന്മാരും ഒരു പൊലീസുകാരനും മരിച്ചത്.

ബോംബുകളുമായി പൊലീസ് സ്‌റ്റേഷന്‍ ആക്രമിച്ച ചാവേറുകളില്‍ ഒരാള്‍ സ്വയം പൊട്ടിത്തെറിച്ചു. മറ്റൊരാളെ പൊലീസ് വെടിവെച്ചുകൊന്നു.
കിഴക്കന്‍ സിറിയയിലുണ്ടായ ഡ്രോണ്‍ ആക്രമണത്തിലാണ് 10 ഹിസ്ബുല്ലക്കാര്‍ കൊല്ലപ്പെട്ടത്. ആരാണ് ആക്രമണം നടത്തിയത് എന്നറിവായിട്ടില്ല.