ലോക ചരിത്രത്തിൽ ആദ്യമായി അമേരിക്കയിലേക്ക് ഒരു ശത്രുരാജ്യത്തിന്റെ മിസൈൽ കടന്നു വരുന്നു. ഈ വെറും വാക്കുകൾ അല്ല. വിശ്വസിക്കാത്തവർക്ക് അത് കണ്ണുകൾ കൊണ്ട് കാണാൻ അവസരം ഒരുക്കിയാണ് ഉത്തര കൊറിയ അമേരിക്കയുടെ മുകളിലേക്ക് മിസൈൽ തൊടുക്കാൻ ഒരുങ്ങുന്നത്. 2ദിവസത്തിനുള്ളിൽ കൊറിയൻ മുനമ്പിൽ നിന്നും ഈ മിസൈൽ പരീക്ഷണം ഉണ്ടാകും.

അമേരിക്കയുടെ പശ്ചിമ ആകാശത്തേക്കാണ്‌ മിസൈൽ ഉയരുക. ഈ മിസൈൽ പരീക്ഷണം ജയിച്ചാൽ ലോകത്ത് അമേരിക്ക സുരക്ഷിതമല്ലെന്ന് അതോടെ തെളിയും. ഉത്തര കൊറിയ 6 അമേരിക്കൻ നഗരങ്ങളേ ലക്ഷ്യമാക്കി ആണവ മിസൈലുകൾ ഘടിപ്പിച്ചതും ശരിയെന്ന് വിശ്വസിക്കേണ്ടിവരും. യുഎസിന്റെ പശ്ചിമതീരം ലക്ഷ്യമിട്ടു ദീർഘദൂര മിസൈൽ പരീക്ഷിക്കാനൊരുങ്ങുകയാണ് ഉത്തര കൊറിയെന്നു പോങ്ങ്യാങ് സന്ദർശിച്ച റഷ്യൻ പാർലമെന്റ് അംഗങ്ങൾ വെളിപ്പെടുത്തി.

ഉത്തര കൊറിയൻ തലസ്ഥാനത്ത് ഇതുമായി ബന്ധമുള്ള പലരുമായി സംസാരിച്ചെന്നും ചില രൂപരേഖകൾ കണ്ടെന്നും സംഘം പറയുന്നു. യുദ്ധത്തിനെന്ന പോലുള്ള ഉൽസാഹമാണു നഗരത്തിൽ കണ്ടത്. മറ്റന്നാൾ ഭരണകക്ഷിയായ കൊറിയൻ തൊഴിലാളി പാർട്ടിയുടെ സ്ഥാപകദിനമാണ്.

അതേ ദിവസം പരീക്ഷണം നടത്താനുള്ള സാധ്യത യുഎസ് കണക്കുകൂട്ടുന്നുണ്ട്. യുഎസിലെ പ്രധാന നഗരങ്ങളെ ലക്ഷ്യമിടുന്ന ആണവ പോർമുനയുള്ള മിസൈൽ വികസിപ്പിക്കുകയാണ് ഉത്തര കൊറിയയുടെ ലക്ഷ്യം.