യുഎസില് റോഡിലൂടെ നടക്കുമ്പോള് ഫോണില് നോക്കി നടക്കരുതേ, നടന്നാല് 35 യുഎസ് ഡോളര് പിഴ ഈടാക്കും, ശിക്ഷ യാത്രക്കാരുടെ മരണനിരക്ക് കൂടുന്നതിന്റെ അടിസ്ഥാനത്തില്
യുഎസില് റോഡിലൂടെ നടക്കുമ്പോള് മൊബൈല് ഫോണ് ഉപയോഗിച്ചാല് ഇനി 35 യുഎസ് ഡോളര് പിഴ. യുഎസില് റോഡപകടങ്ങളില് ഏറ്റവും അധികം കാല്നടയാത്രക്കാര് കൊല്ലപ്പെട്ടതു കഴിഞ്ഞവര്ഷമായിരുന്നു. ഇതേത്തുടര്ന്ന് യുഎസ് സംസ്ഥാനമായ ഹവായിയുടെ തലസ്ഥാനം ഹോണോലുലുവില് ബുധനാഴ്ച മുതല് നിയമം പ്രാബല്യത്തില് വന്നു.
2016ല് യുഎസില് 5987 കാല്നടയാത്രക്കാരാണ് കൊല്ലപ്പെട്ടത്. മുന് വര്ഷത്തേതിനെ അപേക്ഷിച്ച് ഒന്പതു ശതമാനം വര്ധനവാണ് ഉണ്ടായത്. ഇതിനുപിന്നിലെ വില്ലന് സ്മാര്ട്ഫോണ് അടക്കമുള്ള ഇലക്ട്രോണിക് ഉപകരണങ്ങളിലേക്കു നോക്കി നടന്നതാണെന്നാണു വിലയിരുത്തല്.
കാല്നടയാത്രക്കാര് ഏത് ഇലക്ട്രോണിക് ഉപകരണം നോക്കി നടന്നാലും പിഴശിക്ഷയുണ്ടാകും.
റോഡിലൂടെ നടക്കുമ്പോള് മൊബൈല് ഫോണ് ഉപയോഗിച്ചാല് പരമാവധി 35 യുഎസ് ഡോളര് വരെയാണു പിഴ. റോഡ് സുരക്ഷയുടെ കാര്യത്തില് വാഹനങ്ങളില് യാത്ര ചെയ്യുന്നവര്ക്കു മാത്രമല്ല കാല്നടയാത്രക്കാര്ക്കും തുല്യ ഉത്തരവാദിത്തമുണ്ടെന്ന ബോധ്യം ഉണ്ടാകണം. തുല്യ ഉത്തരവാദിത്തമെന്ന ബോധ്യം ഇതോടെ കൈവരുമെന്നാണു പ്രതീക്ഷിക്കുന്നതെന്നു ബില് കൊണ്ടുവന്ന സിറ്റി കൗണ്സില് അംഗം ബ്രാന്ഡണ് ഇലെഫെന്റെ പറഞ്ഞു.
https://www.facebook.com/Malayalivartha
