ഫിൻലൻഡിലെ റെയ്സ്ബോർഗിൽ സൈനിക വാഹനം ട്രെയിനുമായി കൂട്ടിയിടിച്ച് നാല് പേർ മരിച്ചു. 11 പേർക്ക് പരിക്കേറ്റു. മൂന്നു സൈനികരും ഒരു യാത്രക്കാരനുമാണ് മരിച്ചത്. സൈനികർ സഞ്ചരിച്ചിരുന്ന ട്രക്ക് റെയിൽവേ പാളം മുറിച്ചു കടക്കുന്നതിനിടെയായിരുന്നു അപകടം. മഞ്ഞുവീഴ്ചയായിരിക്കാം അപകടകാരണമെന്നാണ് പ്രാഥമിക വിവരം.സംഭവത്തെകുറിച്ച് അന്വേഷണത്തിന് ഉത്തരവിട്ടതായി പോലീസ് മേധാവി അറിയിച്ചു. അപകടം ഉണ്ടായ സ്ഥലത്ത് സുരക്ഷ മുന്നറിയിപ്പുകൾ ഇല്ലായിരുന്നുവെന്നും ഉദ്യോഗസ്ഥർ അറിയിച്ചു.