ആണവപരീക്ഷണങ്ങള്‍ തുടരുന്ന പശ്ചാത്തലത്തില്‍ ഉത്തരകൊറിയയ്ക്കു മുന്നറിയിപ്പുമായി അമേരിക്ക വീണ്ടും രംഗത്ത്. ഉത്തരകൊറിയയുടെ ആണവപരീക്ഷണങ്ങളെ അംഗീകരിക്കില്ലെന്ന് യുഎസ് പ്രതിരോധ സെക്രട്ടറി ജിം മാറ്റിസ് പറഞ്ഞു.
അന്താരാഷ്ട്ര നിയമങ്ങള്‍ പാലിക്കാതെയാണ് ഉത്തരകൊറിയയുടെ ആണവപരീക്ഷണങ്ങള്‍. ആണവപരീക്ഷണങ്ങളിലൂടെ അയല്‍ രാജ്യങ്ങള്‍ക്ക് ഉത്തരകൊറിയ നിരന്തരമായി ഭീഷണി ഉയര്‍ത്തുന്നുവെന്നും അദ്ദേഹം പറഞ്ഞു.

ഉത്തരകൊറിയയുടെ ആണവപരീക്ഷണങ്ങളെ നേരിടും. ഉത്തരകൊറിയയുടെ ഭാഗത്തുനിന്നു ആക്രമണം ഉണ്ടായാല്‍ അമേരിക്കയോ സഖ്യകക്ഷികളോ അത് പരാജയപ്പെടുത്തുമെന്നും അദ്ദേഹം പറഞ്ഞു. ഉത്തരകൊറിയ ആണവായുധങ്ങള്‍ ഉപയോഗിക്കുകയാണെങ്കില്‍ ശക്തമായ സൈനിക നടപടികള്‍ നേരിടേണ്ടിവരുമെന്നും മാറ്റിസ് കൂട്ടിച്ചേര്‍ത്തു.