അമേരിക്കയിലെ കൊളറാഡോയില്‍ ഡെന്‍വര്‍ സബര്‍ബിലെ വാള്‍മാര്‍ട്ട് സ്‌റ്റോറിലുണ്ടായ വെടിവയ്പില്‍ രണ്ടു പേര്‍ മരിച്ചു. ഒരാള്‍ക്ക് പരിക്കേറ്റു. പ്രാദേശിക സമയം ബുധനാഴ്ച വൈകിട്ട് 6.30 ഓടെയാണ് വെടിവയ്പുണ്ടായത്. മരിച്ചവര്‍ രണ്ടു പേരും പുരുഷന്മാരാണ്. പരിക്കേറ്റ സ്ത്രീ ആശുപത്രിയില്‍ ചികിത്സയിലാണ്.

സംഭവത്തെ കുറിച്ചുള്ള മറ്റ് വിവരങ്ങളൊന്നും തന്നെ പൊലീസ് പുറത്ത് വിട്ടിട്ടില്ല. അക്രമി പിടിയിലായോ എന്ന കാര്യവും പൊലീസ് പറയുന്നില്ല. സ്‌റ്റോറിനുള്ള കടന്ന അക്രമി വെടിയുതിര്‍ക്കുകയായിരുന്നു എന്നാണ് പറയുന്നത്. ഉടന്‍ തന്നെ പൊലീസെത്തി പ്രത്യാക്രമണം നടത്തി. സ്‌റ്റോറിനുള്ളില്‍നിന്ന് മുപ്പതോളം വെടിയൊച്ചകള്‍ കേട്ടതായി ദൃക്‌സാക്ഷികള്‍ പറഞ്ഞു.