വെള്ളയുടുപ്പിട്ട മാലാഖമാര്ക്ക് യുകെയില് എളുപ്പത്തില് നഴ്സാകാം, ഒ.ഇ.ടി ജയിച്ചാല് മതി യുകെയില് പറക്കാം, എന്താണ് ഒ.ഇ.ടി എന്നല്ലേ..?
ഇന്ത്യയിലെ നഴ്സുമാര്ക്ക് സന്തോഷവാര്ത്ത. ഇന്ത്യ ഉള്പ്പെടെയുള്ള രാജ്യങ്ങളില് നിന്നുള്ള നേഴ്സുമാര്ക്ക് ബ്രിട്ടണില് നേഴ്സാകാന് ഇനി മുതല് ഒ.ഇ.ടി അഥവാ ഓക്കുപ്പേഷണല് ഇംഗഌഷ ടെസറ്റ് പാസായാല് മതി. ഇതു സംബന്ധിച്ച തീരുമാനം ഇന്നലെ എന്.എം.സി പ്രഖ്യാപിച്ചു. ഇതോടെ ആയിരക്കണക്കിന് മലയാളി നേഴ്സുമാര്ക്ക് യു.കെ.യിലെത്താന് വഴിയൊരുങ്ങി.
നവംബര് ഒന്നുമുതലാണ് പുതിയ നിയമം പ്രാബല്യത്തില് വന്നത്. ഇതോടെ ഒ.ഇ.ടി പാസായ ആയിരക്കണക്കിന് നേഴ്സുമാരെ എന്.എച്ച്.എസ് റിക്രൂട്ട് ചെയ്യും.വര്ഷങ്ങളായി ഐ.എല്.ടി.എസ് എന്ന കടമ്പയുമായി ഇരുന്നതിനെ തുടര്ന്ന് നേഴ്സുമാരുടെ കടുത്ത ക്ഷാമം അനുഭവപ്പെട്ടതിനെ സാഹചര്യത്തിലാണ് ഐ.എല്.ടി.എസ് എന്ന നിബന്ധനയില് എന്.എം.സി അയവുവരുത്താന് തീരുമാനിച്ചത്.
നിലവില് അര ലക്ഷത്തോളം നേഴ്സുമാരുടെ കുറവാണ് യു.കെ.യില് ഉള്ളത്. ബ്രക്സിറ്റ് വരുന്നതോടെ യൂറോപ്പില് നിന്ന് നേഴ്സുമാര് വാരാതാവുകയും എന്.എച്ച്.എസ് പ്രതിസന്ധിയില് നിന്നും കൂടുതല് പ്രതിസന്ധിയിലേക്ക് കൂപ്പുകുത്തുകയും ചെയ്യുമെന്ന് ബോധ്യപ്പെട്ടതിനാലാണ് ഈ തീരുമാനമെടുത്തത്.
യു.കെ.യില് എത്തിയ ശേഷം ഐ.എല്.ടി.എസ് പാസാകാന് കഴിയാത്തതിന്റെ പേരില് കെയറര്മാരായി ജോലി നോക്കുന്നവര്ക്ക് ഒ.ഇ.ടി പാസായാല് നേഴ്സുമാരാകാം. ഏതായാലും മലയാളികള്ക്ക് വന് അവസരമാണ് ഇതോടെ തുറക്കുന്നത്.
.
https://www.facebook.com/Malayalivartha