യുഎസ് പ്രസിഡന്റ് ഡൊണാള്‍ഡ് ട്രംപ് ദക്ഷിണ കൊറിയയിൽ എത്താനിരിക്കെ ആണവായുധ ഭീഷണി ഉയര്‍ത്തി ഉത്തരകൊറിയ രംഗത്ത്. ട്രംപ് ദക്ഷിണ കൊറിയയില്‍ എത്തുന്നതിനെ തുടര്‍ന്ന് അനുരഞ്ജന സാധ്യതകൾ തള്ളിയിരിക്കുകയാണ് ഉത്തരകൊറിയ. ഇതോടെ ദക്ഷിണ കൊറിയ അടക്കമുള്ള ലോകരാജ്യങ്ങൾ ഭീതിയിലാണ്. ഉത്തരകൊറിയയുടെ ആണവായുധ, മിസൈൽ ഭീഷണി നിലനിൽക്കെ വെള്ളിയാഴ്ചയാണ് ട്രംപ് പ്രസിഡന്റെന്ന നിലയിലുള്ള തന്റെ ആദ്യ ഏഷ്യൻ സന്ദർശനത്തിനെത്തുന്നത്.

ജപ്പാനിലെ രണ്ടു ദിവസത്തെ സന്ദര്‍ശനത്തിനുശേഷം ഏഴിന് ദക്ഷിണകൊറിയയില്‍ ട്രംപ് എത്തും. ദക്ഷിണ കൊറിയയിലെ സന്ദര്‍ശനത്തിനു ശേഷം ചൈനയിലേക്കാണ് ട്രംപ് പുറപ്പെടുക. ഉത്തരകൊറിയയുടെ ആണവപ്രതിരോധ നടപടികള്‍ അന്തിമഘട്ടത്തിലാണെന്നും, രാജ്യാന്തര സമ്മര്‍ദ്ദത്തിന് വഴങ്ങി ആണവ പരീക്ഷണങ്ങള്‍ ഉപേക്ഷിക്കില്ലെന്നും ഉത്തരകൊറിയ വ്യക്തമാക്കി. എന്നാൽ ട്രംപിനെതിരെ ദക്ഷിണ കൊറിയയിലും പ്രതിഷേധക്കാര്‍ നിരത്തിലിറങ്ങിയിട്ടുണ്ട്.