പുക മഞ്ഞിനെ തുടര്ന്ന് ചൈനയില് യെല്ലോ അലര്ട്ട്
പുകമഞ്ഞിനെ തുടര്ന്നു ചൈനയുടെ വടക്കന്, കിഴക്കന്, തെക്കുപടിഞ്ഞാറന് മേഖലകളില് യെല്ലോ അലേര്ട്ട് പ്രഖ്യാപിച്ചു. ബെയ്ജിങ് , ഹെബെയ്, ഹെനന്, ഷാന്ഡോംഗ്, അന്ഹുയി, സിച്ചുവാന് എന്നിവിടങ്ങളിലാണു പുകമഞ്ഞു രൂക്ഷമെന്ന് നാഷണല് മെറ്ററോളജിക്കല് സെന്റര്(എന്എംസി) അറിയിച്ചു. വായുമലിനീകരണത്തിന്റെ രൂക്ഷത അറിയിക്കാനുള്ള മൂന്നാംഘട്ട മുന്നറിയിപ്പാണ് യെല്ലോ അലേര്ട്ട്.
ഞായറാഴ്ച വൈകുന്നേരം ആരംഭിച്ച പുകമഞ്ഞു തിങ്കളാഴ്ച രാവിലെ വരെ നീണ്ടുനില്ക്കുമെന്നാണ് വിലയിരുത്തല്. കാലാവസ്ഥ പ്രവചനം ശരിയായാല് ചൊവ്വാഴ്ച പുകമഞ്ഞ് മാറി തണുപ്പ് ആരംഭിക്കും. ട്രാഫിക് സുരക്ഷ ഉറപ്പാക്കാന് ആളുകള് മുന്കരുതല് എടുക്കണമെന്ന് എന്എംസി ആവശ്യപ്പെട്ടു.
നിലവില് വായൂമലിനീകരണത്തിന്റെ അളവ് ഗ്രേഡ് അനുസരിച്ച് 200 നും 250 നും ഇടയ്ക്കാണ്. 250 നു മുകളിലേക്കുയര്ന്നാല് ഓറഞ്ച് അലേര്ട്ട് പ്രഖ്യാപിക്കും. ഈ സാഹചര്യത്തില് വിദ്യാഭ്യാസ സ്ഥാപനങ്ങള്ക്കും മറ്റും അവധി നല്കും.
https://www.facebook.com/Malayalivartha
