അമേരിക്കയിലെ ടെക്‌സസിലെ പള്ളിയിലുണ്ടായ വെടിവയ്പില്‍ കുട്ടികള്‍ ഉള്‍പ്പെടെ 27 പേര്‍ കൊല്ലപ്പെട്ട സംഭവത്തെ ജപ്പാന്‍ പ്രധാനമന്ത്രി ഷിന്‍സോ ആബെ അപലപിച്ചു. അമേരിക്കന്‍ ജനതയുടെ ദുഃഖത്തില്‍ പങ്കുചേരുന്നുവെന്നും ഈ വിഷമകരമായ സമയത്ത് അമേരിക്കന്‍ ജനതയോടുള്ള തങ്ങളുടെ ആത്മാര്‍ഥമായ ഐക്യദാര്‍ഢ്യം പ്രഖ്യാപിക്കുന്നുവെന്നും ആബെ പറഞ്ഞു.

അമേരിക്കന്‍ പ്രസിഡന്റ് ഡോണള്‍ഡ് ട്രംപുമായുള്ള യോഗത്തിനു മുന്നോടിയയാണ് ആബെ ഇക്കാര്യം പറഞ്ഞത്. ട്രംപുമായി ഉത്തരകൊറിയന്‍ വിഷയം ഉള്‍പ്പെടെ നിരവധി അന്താരാഷ്ട്ര പ്രശ്‌നങ്ങള്‍ ചര്‍ച്ച ചെയ്യുതുവെന്നും ആബെ കൂട്ടിച്ചേര്‍ത്തു. അഞ്ച് ഏഷ്യന്‍ രാജ്യങ്ങളിലെ പര്യടനത്തിന്റെ ഭാഗമായി ട്രംപ് ജപ്പാനിലെത്തിയത്.