ഗൂഗിള്‍ കഴിഞ്ഞാല്‍ ലോകത്ത് ഏറ്റവും കൂടുതല്‍ ആള്‍ക്കാര്‍ ഉപയോഗിക്കുന്ന സൈറ്റ് ആണ് ഫേസ്ബുക്ക്. ഫേസ്‌ബുക്ക് സോഷ്യൽ നെറ്റ്‌വർക്കിംഗ് വെബ്‌സൈറ്റുകളിലെ ഒരു വിപ്ലവസൃഷ്ട്ടിതന്നെയാണ്. വ്യക്തികളുടെ സാമൂഹികജീവിതത്തെ പല രീതിയിലും സ്വാധീനിച്ചിട്ടുണ്ട്.

മുറിഞ്ഞു പോയ സൗഹൃദങ്ങളെയും ബന്ധങ്ങളെയും കൂട്ടി യോജിപ്പിക്കുവാൻ ഫേസ്‌ബുക്ക് സഹായിച്ചിട്ടുണ്ട്. ജോൺ വാട്സൺ എന്ന വ്യക്തിക്ക് 20 വർഷം മുൻപ് നഷ്ടപ്പെട്ട തന്റെ മകളെ അവളുടെ ഫേസ്‌ബുക്ക് പ്രൊഫൈൽ വഴി കണ്ടെത്തുവാൻ കഴിഞ്ഞത് ഒരു സംഭവമായിരുന്നു. 2004ല്‍ ആരംഭിച്ച ഫേസ്ബുക്ക് ഇപ്പോള്‍ 120കോടിയിലേറെപേര്‍ ഉപയോഗിക്കുന്നുണ്ട്. ഇന്ത്യയിലെന്നല്ല ലോകത്തിലെ ഏറ്റവും ജനപ്രിയന്‍ ഫേസ്ബുക്ക് തന്നെയാണ്.

ഫേസ്ബുക്കിൽ നിരവധി ഫേക്ക് അക്കൗണ്ടുകളുണ്ട്. ഒര്‍ജിനലിനെക്കാള്‍ വ്യാജന്മാരാണ് ഇപ്പോള്‍ ഫേസ്ബുക്കില്‍ കൂടുതലെന്നാണ് കണ്ടെത്തൽ. ഫേസ്ബുക്ക് അധികൃതര്‍ തന്നെയാണ് കണക്ക് പുറത്തു വിട്ടിരിക്കുന്നത്.

നിലവില്‍ 270 മില്ല്യണ്‍ ഫേക്ക് അക്കൗണ്ടുകള്‍ ഫേസ്ബുക്കില്‍ ഉണ്ടെന്നാണ് അധികൃതര്‍ വ്യക്തമാക്കുന്നത്. ഫേസ്ബുക്ക് ഉപയോക്താക്കളുടെ എണ്ണം മുന്‍ വര്‍ഷത്തേതിനേക്കാള്‍ ആകെ രണ്ടു മുതല്‍ നാല് ശതമാനം വരെ മാത്രം വര്‍ധിച്ചപ്പോള്‍ വ്യാജ അക്കൗണ്ടുകളുടെ എണ്ണത്തില്‍ എഴ് ശതമാനത്തിന്റെ വര്‍ധനയാണ് ഉണ്ടായത്. ഇത് അതിശയപ്പെടുത്തുന്നതും അതേപോലെ ഭയക്കേണ്ടതുമാണ്.

ഇത്തരത്തില്‍ വ്യാജ അക്കൗണ്ടുകള്‍ വര്‍ദ്ധിക്കുന്നതുകൊണ്ടുതന്നെ കൂടുതല്‍ നടപടികള്‍ സ്വീകരിക്കാന്‍ ഫേസ്ബുക്ക് അധികൃതര്‍ ഒരുങ്ങുന്നതായാണ് സൂചന. വ്യാജ അക്കൗണ്ട് രൂപീകരിക്കാന്‍ സാധിക്കാത്ത വിധമായിരിക്കും അടുത്ത അപ്‌ഡേഷന്‍ എന്നാണ് റിപ്പോര്‍ട്ടുകള്‍.

കര്‍ശന പരിശോധനകള്‍ക്ക് വിധേയമാക്കാനും ഉപയോക്താക്കള്‍ ഫേസ്ബുക്ക് അക്കൗണ്ട് തുടങ്ങുന്നതിനു നല്‍കുന്ന വിവരങ്ങള്‍ വ്യാജമാണെങ്കില്‍ അത് കണ്ടെത്തി നപടികള്‍ സ്വീകരിക്കുകയും ചെയ്യും.