രോഗ ബാധിതരായവരെയും പ്രായമുള്ളവരെയും പതിവായി കാമുകന്മാരായി തെരഞ്ഞെടുക്കും. അതില്‍ തന്നെ നല്ല സമ്പന്നർക്കും മക്കളില്ലാത്തവര്‍ക്കുമാണ് മുൻഗണന. കാമുകനെ തെരഞ്ഞെടുത്തശേഷം അയാളുമായി ലൈംഗീകബന്ധത്തിലേർപ്പെടും. ശേഷം കാമുകനെ കൊന്നു കളയും. 70 വയസുകാരിയായ ചിക്‌സോ കകെഹി ജീവിക്കുന്നത് ഇങ്ങനെയാണ്.

ലൈംഗിക ബന്ധത്തിനുശേഷം സ്വന്തം പങ്കാളിയെ കൊലപ്പെടുന്ന എട്ടുകാലിയുടെ ശീലം ഇവർക്കുള്ളതുകൊണ്ട് മാധ്യമങ്ങൾ ചിക്‌സോയെ എട്ടുകാലിയോടാണ് താരതമ്യം ചെയ്യുന്നത്. കറുത്ത വിധവ എന്ന അപര നാമം കൂടി കകെഹിക്കുണ്ട്. ഉപയോഗത്തിനു ശേഷം സ്വന്തം ഭര്‍ത്താവിനെയും രണ്ട് കാമുകന്മാരെയും കൊലപ്പെടുത്തിയതിലൂടെയാണ് ഇവര്‍ക്ക് ഈ വിശേഷണം കിട്ടിയത്.

ഇന്‍ഷുറന്‍സ് തുക കൈപ്പറ്റുന്നതിനുവേണ്ടിയാണ് ഇവർ തന്റെ കാമുകന്മാരേയും ഭർത്താക്കന്മാരേയും കൊല്ലുന്നത്. ഇങ്ങനെ കൊലപ്പെടുത്തിയ കകെഹി ഇന്‍ഷുറന്‍സ് തുകയായി നേടിയത് 88 ലക്ഷം ഡോളറാണ്. കൊലപാതകത്തിനുമുമ്പ് അവര്‍ക്ക് സ്വന്തം ശരീരം നല്‍കി സന്തോഷിപ്പിച്ച ശേഷം സയനേഡ് നല്‍കി കകെഹി കൊലപ്പെടുത്തും. സ്വന്തം ഭര്‍ത്താവിനെ തന്നെയായിരുന്നു ആദ്യമായി ഇവര്‍ കൊലപ്പെടുത്തിയത്. പിന്നെ രണ്ടു പേരെ കൂടി കൊലപ്പെടുത്തി.

2013 ലായിരുന്നു അവസാനത്തെ കൊലപാതക ശ്രമം. എന്നാല്‍ അതിനിടെ പൊലീസിന്റെ പിടിയിലാവുകയായിരുന്നു. കോടതിയില്‍ ഹാജരാക്കിയ ഇവര്‍ ആദ്യം കുറ്റം സമ്മതിക്കാന്‍ തയ്യാറായില്ല. പിന്നീടാണ് ഇവര്‍ കുറ്റസമ്മതം നടത്തിയത്. കൂടാതെ ടോക്കിയോയിലെ വിവിധ പുരുഷന്മാരുമായി തനിക്ക് ബന്ധമുള്ളതായും 70 വയസുകാരി സമ്മതിച്ചിരുന്നു.