കാ​മു​കനൊപ്പം സമയം ചെലവഴിക്കാൻ യുവതി ത​ട്ടി​ക്കൊ​ണ്ടു​പോ​ക​ൽ നാ​ട​കം കളിച്ചു. ഒടുവിൽ കോടതി ആ​റു മാ​സം ത​ട​വു​ശി​ക്ഷ വിധിച്ചു. ഫാ​ര്‍ റൈ​റ്റ് നാ​ഷ​ണ​ല്‍ ഫ്ര​ണ്ട് പ്ര​വ​ർ​ത്ത​ക​യാ​യ സാ​ൻ​ഡി ഗെ​യി​ലാ​ർ​ഡി​ന്(25) ആ​ണ് ഫ്ര​ഞ്ച് കോ​ട​തി ശി​ക്ഷ വി​ധി​ച്ചത്.​ ഭർത്താവുമായി പിരിഞ്ഞ് പു​രു​ഷ സു​ഹൃ​ത്തി​നൊ​പ്പം താമസിക്കുന്ന യു​വ​തി മ​റ്റൊ​രു പു​രു​ഷ​നു​മാ​യി പ്ര​ണ​യ​ത്തി​ലാ​യി​രു​ന്നു.

പുതിയ കാമുകനൊപ്പം സമയം ചെലവഴിക്കാനാണ് സാ​ൻ​ഡി ഇങ്ങനെയൊരു നാടകം കളിച്ചത്. ത​ന്നെ ക​റു​ത്ത കാ​റി​ൽ അജ്ഞാതർ ത​ട്ടി​ക്കൊ​ണ്ടു​പോ​യെ​ന്നും പ​റ​ഞ്ഞു യു​വ​തി പു​രു​ഷ സു​ഹൃ​ത്തി​ന് സ​ന്ദേ​ശം അ​യ​ച്ചു. ഇക്കാര്യം പോ​ലീ​സി​നെ അ​റി​യി​ച്ച​തോ​ടെ തെ​ര​ച്ചി​ൽ തു​ട​ങ്ങു​ക​യാ​യി​രു​ന്നു.

കാണാതായെന്ന പരാതിയിൽ യുവതിയെ തേ​ടി 50 സൈ​നി​ക​രും ഒ​രു ഹെ​ലി​കോ​പ്റ്റ​റും തെ​ര​ച്ചി​ലി​ന് ഇ​റ​ങ്ങി​യി​രു​ന്നു. യു​വ​തി​യു​ടെ മൊഴിയിൽ പൊ​രു​ത്ത​ക്കേ​ട് തോ​ന്നിയ പോ​ലീ​സ് ചോ​ദ്യം ചെ​യ്ത​പ്പോ​ഴാ​ണ് "ത​ട്ടി​ക്കൊ​ണ്ടു​പോ​ക​ൽ നാ​ട​കം' പു​റ​ത്തു​വ​ന്ന​ത്. ലീ ​പു ഇ​ൻ വെ​ലി​യി​ലു​ള്ള കാ​മു​ക​നൊ​പ്പം സ​മ​യം ചെ​ല​വ​ഴി​ക്കാ​നാ​ണ് താ​ൻ പോ​യ​തെ​ന്ന് യു​വ​തി സമ്മതിച്ചു. എന്നാൽ കാ​മു​ക​ന് ഇ​തി​ൽ പ​ങ്കി​ല്ലെ​ന്നും യു​വ​തി പ​റ​ഞ്ഞു. യുവതിക്ക് 5,000 യൂ​റോ(3.79 ല​ക്ഷം രൂ​പ) പി​ഴ ഈടാക്കി. മാത്രമല്ല മ​നഃ​ശ്ശാ​സ്‌​ത്ര​ജ്ഞ​നെ കാ​ണാ​ണ​മെ​ന്നും മെൻഡേയിലെ കോ​ട​തി ഉ​ത്ത​ര​വി​ട്ടിട്ടുണ്ട്.