പീഡനകഥകള്‍ ഒരിക്കലും തീരില്ല.ജോലിയിടങ്ങളില്‍ പോലും പീഡനസംഭവങ്ങളാണ് നടന്ന് വരുന്നത്. ഇപ്പോള്‍ അമേരിക്കന്‍ സേനയിലും പീഡനസംഭവങ്ങള്‍ നടന്ന് വരുന്നു. ലോകത്തെ മികച്ച സൈന്യത്തില്‍ ഒന്നായി കരുതുന്ന അമേരിക്കന്‍ സേനയിലും ലൈംഗീക പീഡനമെന്ന് റിപ്പോര്‍ട്ട്. യുഎസ് സായുധസേനയില്‍ കഴിഞ്ഞ നാല് വര്‍ഷത്തിനുള്ളില്‍ ഇരുപതിനായിരത്തിലേറെ ലൈംഗിക പീഡന ആരോപണങ്ങളാണ് ഉണ്ടായിരിക്കുന്നത്.

യുഎസില്‍ ഉള്ളവര്‍ക്ക് പുറമെ അഫ്ഗനിലും ഇറാഖിലും നിയോഗിക്കപ്പെട്ട സൈനീകര്‍ക്കിടയില്‍ നിന്നാണ് ഇത്തരം ലൈംഗീകാരോപണങ്ങള്‍ കൂടുതലായും ഉയര്‍ന്നു കേള്‍ക്കുന്നത്. 2013 മുതല്‍ 16 വരെയുള്ള മൂന്ന് വര്‍ഷത്തെ വിവരങ്ങളാണ് പുറത്തുവിട്ടിരിക്കുന്നത്. പ്രതിരോധ മന്ത്രാലയത്തിന് കീഴിലുള്ള സെക്ഷ്വല്‍ അസാള്‍ട്ട് പ്രിവന്‍ഷന്‍ ആന്‍ഡ് റെസ്‌പോണ്‍സ് ഓഫീസ് ആണ് റിപ്പോര്‍ട്ട് തയ്യാറാക്കിയിരിക്കുന്നത്.

സായുധസേനയുടെ കീഴിലെ ഏറ്റവും വലിയ വിഭാഗമായ കരസേനയില്‍ നിന്നാണ് ഏറ്റവുമധികം ലൈംഗീകാരോപണങ്ങള്‍ ഉയര്‍ന്നുകേള്‍ക്കുന്നത്. 8294 ആരോപണങ്ങളാണ് ഇവിടെ നിന്നും റിപ്പോര്‍ട്ട് ചെയ്തിരിക്കുന്നത്.

aനാവിക സേനയില്‍ നിന്നും 4788 സംഭവങ്ങളും മറീനുകള്‍ക്കിടിയില്‍ 3400 സംഭവങ്ങളും വ്യോമസേനയില്‍ 8876 ആരോപണങ്ങളുമാണ് പുറത്തുവന്നിരിക്കുന്നത്. 13 ലക്ഷം സജീവാംഗങ്ങളാണ് യുഎസിന്റെ സായുധസേനയിലുള്ളത്.

സൈനീകാവശ്യങ്ങള്‍ക്ക് നിയോഗിച്ചപ്പോഴും അവധിയിലായിരിക്കെയും സൈന്യത്തില്‍ ചേരുന്നതിന് മുന്‍പ് സംഭവിച്ചതുമായ പീഡനങ്ങളും ഇതില്‍ ഉള്‍പ്പെടുന്നുണ്ട്.