യുവതിയുടെ കാല് ഓവുചാലിന്റെ അഴികളില് കുടുങ്ങി,ഏറെ പരിശ്രമത്തിനൊടുവില് യുവതിയെ രക്ഷപ്പെടുത്തി, അപകടത്തിന് കാരണമായത് ഹീല്ചെരുപ്പ് മാത്രമല്ല...
ഓവുചാലിന്റെ അഴികളില് കാല് കുടുങ്ങിയ യുവതിയെ രക്ഷപ്പെടുത്തിയത് ഏറെ പരിശ്രമങ്ങള്ക്കൊടുവില്. ചൈനയിലായിരുന്നു അപകടം. നടന്നുവരുമ്പോള് അബദ്ധവശാല് 20 കാരിയുടെ കാല് ഓവുചാലിന്റെ അഴികള്ക്കിടയില് കുടുങ്ങുകയായിരുന്നു.
മൊബൈലില് ശ്രദ്ധിച്ചുകൊണ്ടായിരുന്നു യുവതി നടന്നിരുന്നത്. കൂടാതെ ഹൈഹീല് ചെരുപ്പായിരുന്നു ധരിച്ചത്. അഴികള്ക്ക് മേല് ചുവടുവെച്ചതും കാലിടറി അകപ്പെടുകയായിരുന്നു. കാലിന്റെ മുട്ടെറ്റം ഓവുചാലിന്റെ മെറ്റല് അഴികള്ക്കിടയിലൂടെ ഊര്ന്നിറങ്ങി.
വലതുകാല് പുറത്തെടുക്കാന് യുവതി പരമാവധി ശ്രമിച്ചെങ്കിലും ഫലം കണ്ടില്ല. അപകടമുണ്ടായി യുവതി അലറിക്കരയുന്നത് കണ്ട് ഓടിയെത്തിയ ചിലര് സമീപ കടകളില് നിന്ന് ചില ഉപകരണങ്ങള് സംഘടിപ്പിച്ച് ഏറെ പ്രയത്നങ്ങള് നടത്തിയാണ് അവരെ രക്ഷപ്പെടുത്തിയത്.
ഇരുമ്പുവടി ഉപയോഗിച്ച് അഴികള് വിടര്ത്തി കാല് സ്വതന്ത്രമാക്കുകയായിരുന്നു. ഭാഗ്യവശാല് യുവതിക്ക് കാര്യമായ പരിക്കുകളൊന്നുമില്ല.
https://www.facebook.com/Malayalivartha
