നഗരത്തിലെ നിരത്തുകളില്‍ കൊത്തിപ്പെറുക്കി നടന്ന പ്രാവുകള്‍ക്ക് കൈയിലുള്ള ഭക്ഷണത്തിൽ നിന്ന് കുറച്ച് ഭാഗം നൽകുന്നത് പലപ്പോഴും നാം ചെയ്യുന്ന പതിവുകളിൽ ഒന്നാണ്. പ്രാവുകൾക്ക് തീറ്റ നൽകുന്നതിലൂടെ ധാതാവിന് ആനന്ദവും ലഭിക്കും.എന്നാൽ പ്രാവുകൾക്ക് മക്കള്‍ തീറ്റകൊടുത്തതിന് ഇംഗ്ലണ്ടിലെ ബ്രാഡ്ഫോര്‍ഡ് നഗരസഭ അമ്മയിൽ നിന്ന് പിഴയായി ഈടാക്കിയത് 7000 രൂപയാണ്.

ഷോപ്പിങിന് ഇറങ്ങിയതായിരുന്നു കാറ്റി ട്രൂഡിഗിലും അവരുടെ അഞ്ചും മൂന്നും വയസുള്ള രണ്ടു മക്കളും. ഷോപ്പിങ് കഴിഞ്ഞു തളർന്നപ്പോൾ അമ്മ മക്കള്‍ക്ക് കഴിക്കാനായി സാന്‍വിച്ച്‌ വാങ്ങി കൊടുത്തു.

നഗരത്തിലെ റോഡിന്റെ വശങ്ങളില്‍ ഇട്ടിരുന്ന ബഞ്ചിലിരുന്ന് സാന്‍വിച്ച്‌ കഴിക്കുകയായിരുന്നു മക്കള്‍. ആ സമയം കുറെ പ്രാവുകള്‍ അവര്‍ക്കു ചുറ്റും പറന്ന് വന്നിരുന്നു കൊത്തിപ്പെറുക്കുന്നുണ്ടായിരുന്നു. അത് കണ്ട കുഞ്ഞുങ്ങൾ തങ്ങളുടെ സാന്‍വിച്ചിന്റെ കഷ്ണങ്ങള്‍ മുറിച്ച്‌ പ്രാവുകള്‍ക്ക് കഴിക്കാനായി ഇട്ടുകൊടുത്തു.

പക്ഷെ കുട്ടികൾക്ക് പ്രാവുകളോട് തോന്നിയ സ്നേഹം നഗരസഭ പ്രവർത്തകർക്ക് മനസിലായില്ല . പ്രാവുകള്‍ അത് കഴിച്ചുകൊണ്ടിരിക്കുന്നതിന് ഇടയ്ക്ക് അവിടേക്ക് കടന്നു വന്ന നഗരസഭ ശുചീകരണ തൊഴിലാളികൾക്ക് ഇത് ഇഷ്ടമായില്ല. ഉടനെ തന്നെ നിരത്തില്‍ മാലിന്യം നിക്ഷേപിച്ചു എന്ന പേരിൽ കുട്ടികളുടെ അമ്മയെ കൊണ്ട് പിഴയടപ്പിച്ചു.