ഈ ലോകത്തിന്റെ ഓര്‍മ ശരിയാണെങ്കില്‍ ഇത് ചരിത്രത്തിലെ ആദ്യ സംഭവമാണ്. 18 മിനിറ്റിന്റെ വ്യത്യാസത്തില്‍ ഇരട്ടക്കുട്ടികള്‍. രണ്ടുവര്‍ഷങ്ങളിലായി ഇരുവരുടെയും ജനനം. ജനത്തിയതി , മാസം, ദിവസം എല്ലാം വ്യത്യസ്തം.

ആണ്‍കുട്ടി ജോഅക്വിന്‍ ജൂനിയര്‍ ജനനം ഡിസംബര്‍ 31 ,2017,സമയം 11 .58. പെണ്‍കുട്ടിഐറ്റനാ ഡി ജീസസ് ഒന്റ്റിവേറ്‌സ് ജനനം ജനുവരി 1 , 2018, സമയം 12 .16. കാലിഫോര്‍ണിയയിലെ കെണ്‍ കൗണ്ടിയിലെ ഡിലനോ റീജിയണല്‍ മെഡിക്കല്‍ സെന്ററില്‍ മരിയ ഫ്‌ളോറസ് എന്ന ഇരട്ടക്കുട്ടികളുടെ അമ്മ ഒരു ചരിത്ര നിമിഷത്തിനു കൂടി ജന്മം നല്‍കുകയായിരുന്നു.

ജോഅക്വിന്‍, കെണ്‍ കൗണ്ടിയില്‍ 2017 ല്‍ ജനിച്ച അവസാനത്തെ കുട്ടിയായി. ഐറ്റനാ2018 ലെ ആദ്യ കുഞ്ഞും. കുഞ്ഞുങ്ങള്‍ ഡോക്ടര്‍മാര്‍ പറഞ്ഞതിലും ഒരു മാസം മുന്‍പെയാണ് ജനിച്ചതെന്ന് മരിയ ഫ്‌ളോറസ് പറഞ്ഞു.

മുപ്പതു വര്‍ഷതില്‍ അധികമായി ഞാന്‍ പ്രസവം കൈകാര്യം ചെയ്യുന്നു. എന്റെ ഓര്‍മയില്‍ ഇങ്ങിനെ ഒരു സംഭവമില്ല,” പ്രസവമെടുത്ത ഡോ സയ്യിദ് താംദിജി പറഞ്ഞു. പുതു വത്സര ദിനത്തില്‍ ജനിക്കുന്ന കുഞ്ഞുങ്ങള്‍ക്ക് നിരവധി സമ്മാനങ്ങള്‍ നല്‍കുന്ന പതിവ് ആശുപതിയില്‍ ഉണ്ട്. ഫ്‌ളോറെസിനും കുടുംബത്തിനും 3000 ഡോളറിനു തുല്യമായ കളിപ്പാട്ടങ്ങള്‍ അടക്കമുള്ള സമ്മാനങ്ങള്‍ ആശുപത്രിയുടെ വകയായി ലഭിച്ചു.

കാലിഫോര്‍ണിയയിലെ ഏര്‍ലി മാര്‍ട് സ്വദേശിയായ മരിയയും ഭര്‍ത്താവ് ജോവാക്കിനും തോട്ടം തൊഴിലാളികളാണ്. ജനുവരി 27 നോടടുപ്പിച് പ്രസവം ഉണ്ടാകുമെന്നാണ് മരിയ കരുതിയിരുന്നത് . അവരുടെ പ്രസവത്തിയതി. പുതുവത്സരം ഭര്‍ത്താവ് ജോവാക്കിനോടൊപ്പം ആഘോഷിക്കാനിരുന്നതാണ് മരിയ. 

ഡിസംബര്‍ 31 നു രാത്രി 7 മണിക്കാണ് പ്രസവ വേദനയെ തുടര്‍ന്ന് ആശുപത്രിയില്‍ പ്രവേശിപ്പിക്കപ്പെട്ടത്.അമ്മയും കുഞ്ഞുങ്ങളും സുഖമായിരിക്കുന്നു എന്നും ഏതാനും ദിവസത്തിനകം ഏര്‍ലി മാര്‍ട്ടിലേക്കു തിരിച്ചു പോകുമെന്നും ആശുപത്രി അധികൃതര്‍ അറിയിച്ചു. മറ്റു മൂന്നു പെണ്‍കുട്ടികളുടെ മാതാവ് കൂടിയാണ് മരിയ.