യു എസ് എ : വീടിനുള്ളിലെ സ്വകാര്യ മുറിയിൽ നിന്നും മയക്കുമരുന്നിന് അടിമയായ നാല് വയസുകാരനെ പോലീസ് കണ്ടെത്തി. മയക്കുമരുന്ന് പരീക്ഷിക്കാനായി ആണ് കുട്ടിയെ മുറിയിൽ പാർപ്പിച്ചിരുന്നത് എന്നാണ് പോലീസിന്റെ പ്രാഥമിക കണ്ടെത്തൽ. പാറ്റയും എലികളും സുഹൃത്തുക്കളാണെന്നും അവ തന്നോടൊപ്പം കളിക്കാറുമുണ്ട് എന്ന വിചിത്ര വിവരങ്ങൾ കുട്ടി പോലീസ്നോടായി പറയുകയുണ്ടായി. അപകടകരമായ രീതിയിപ്പോൾ കുട്ടിയെ പാർപ്പിച്ചതിനാൽ കുട്ടിയുടെ മാതാവിനെതിരെ പോലീസ് കേസെടുത്തു. അമേരിക്കയിലെ ഹോസ്റ്റണിൽ മയക്കു മരുന്ന് ഉപയോഗം ശീലം ആക്കിയ കുട്ടിയെ പോലീസ് എത്തിയാണ് മോചിപ്പിച്ചത്.

മതപിതാക്കളിലാരോ ഉപയോഗിച്ചിരുന്ന മെത്താംഫിറ്റമിനെന്ന മയക്കുമരുന്നാണ് കുട്ടി ഉപയോഗിച്ചു വന്നിരുന്നതെന്ന വിവരം അധികൃതർ അറിയിച്ചു. മയക്കുമരുന്നിന്റെ ഉല്‍പ്പാദനവും വില്‍പ്പനയും നടക്കുന്നുണ്ടെന്ന രഹസ്യ വിവരത്തെത്തുടര്‍ന്നാണ് ഡിസംബര്‍ 20 ന് നടത്തിയ പരിശോധനയിലാണ് കുട്ടിയെ കണ്ടെത്തിയത്.

കൂടുതൽ വിവരങ്ങൾക്കായി പോലീസ് വീണ്ടും തിരച്ചിൽ നടത്തി വരികയാണ്. കുഞ്ഞിന്റെ എല്ലാ കാര്യങ്ങള്ലും നോക്കിയിരുന്നത് മറ്റൊരാള്‍ ആയിരുന്നുവെന്നാണ് അമ്മ ഏപ്രില്‍ ബറിയര്‍ പറഞ്ഞത്. അയാള്‍ തന്നെയാണ് മയക്കുമരുന്ന് ഉണ്ടാക്കി വിറ്റതിനു പിന്നിലും എന്ന് പൊലീസ് സംശയിക്കുന്നുണ്ട്. എന്നാല്‍ അയാളെ ഇതുവരേയും പിടികൂടാനായിട്ടില്ല. കുട്ടിയുടെ സ്വഭാവങ്ങൾ വീക്ഷിച്ച ശേഷം മാത്രമേ കുട്ടിയെ അയാള്‍ക്കൊപ്പം വിടൂ എന്നും അത് വരെ ചൈല്‍ഡ് വെല്‍ഫെയര്‍ പ്രവര്‍ത്തകര്‍ക്കൊപ്പം വിടുമെന്നും പൊലീസ് അറിയിച്ചതായി മാധ്യമങ്ങൾ റിപ്പോർട്ട് ചെയ്യുന്നു.