ഫ്രാന്‍സില്‍ കനത്ത മഴയ്‌ക്കൊപ്പം എലനോര്‍ ചുഴലിക്കാറ്റ് ആഞ്ഞു വീശുന്നു. ചുഴലിക്കാറ്റില്‍പ്പെട്ട് ഒരാള്‍ മരിച്ചെന്നാണ് വിവരം. 26 പേര്‍ക്ക് പരിക്കേല്‍ക്കുകയും ചെയ്തു. ഫ്രാന്‍സ് ആഭ്യന്തര മന്ത്രാലയമാണ് ഇത് സംബന്ധിച്ച കണക്കുകള്‍ പുറത്ത് വിട്ടത്. ഒപ്പം രാജ്യത്തിന്റെ വിവിധ ഭാഗങ്ങളിലുള്ള നദികള്‍ കരകവിഞ്ഞൊഴുകുകയാണെുന്നും വിവരങ്ങളുണ്ട്.

110,000ലേറെ വീടുകളിലെ വൈദ്യുതി ബന്ധവും വിച്ഛേദിക്കപ്പെട്ടു. 21വയസുകാരനാണ് മരിച്ചതെന്നാണ് സൂചന. പരിക്കേറ്റവരില്‍ നാലു പേരുടെ നില അതീവഗുരുതരമാണെന്ന് ആശുപത്രിവൃത്തങ്ങള്‍ അറിയിച്ചു.

ഇനിയും വരും ദിവസങ്ങളില്‍ കനത്ത മഞ്ഞ് വീഴ്ചയും വെള്ളപ്പൊക്കവും ഉണ്ടായേക്കുമെന്നും റിപ്പോര്‍ട്ടുണ്ട്.