ആണവ ഭീഷണി മുഴക്കുന്ന ഉത്തരകൊറിയൻ പ്രസിഡന്റ് കിം ജോങ് ഉന്നിന്റെ മാനസിക നില പരിശോധിക്കണമെന്ന് വൈറ്റ് ഹൗസ് പ്രസ് സെക്രട്ടറി സാറാ സാന്‍ഡേഴ്സ്. കഴിഞ്ഞ നാല് വര്‍ഷമായി നിരവധി തവണയാണ് കിം ജോങ് ഉന്‍ മിസൈല്‍ പരീശീലനം നടത്തുകയും അമേരിക്കക്കെതിരെ ഭീഷണി മുഴക്കുകയും ചെയ്തിട്ടുണ്ടെന്നും അദ്ദേഹം പറഞ്ഞു.

അമേരിക്കയെ തകര്‍ക്കാനായുള്ള ആണവായുധത്തിന്റെ സ്വിച്ച്‌ തന്റെ കയ്യിലാണെന്നും ഉത്തരകൊറിയക്കെതിരെ യുദ്ധം തുടങ്ങാന്‍ അമേരിക്കയ്ക്ക് കഴിയില്ലെന്നും കിം ജോങ് ഉന്‍ കഴിഞ്ഞ ദിവസം പ്രസ്താവനയിറക്കിയിരുന്നു. ഇതിനെതിരെ അമേരിക്കൻ പ്രസിഡന്റ് ഡൊണാൾഡ് ട്രംപ് പ്രതികരിക്കുകയും ചെയ്തിരുന്നു. എല്ലാവരുമായും സമാധാനപരമായി മുന്നോട്ട് പോവാനാണ് അമേരിക്കയ്ക്ക് താത്പര്യമെന്നും ഉത്തരകൊറിയ നല്ല തീരുമാനത്തിലെത്തുമെന്നാണ് പ്രതീക്ഷയെന്നും സാറാ സാന്‍ഡേഴ്സ് വ്യക്തമാക്കി.