യുഎസ്എ: 2040 ഓടു കൂടി അമേരിക്കയിലെ ഏറ്റവും വലിയ രണ്ടാമത്തെ മതവിഭാഗം ഇസ്ലാം മതവിശ്വാസികള്‍ ആകുമെന്നാണ് പുതിയ പഠനങ്ങൾ തെളിയിക്കുന്നത്. കണക്കുകൾ പ്രകാരം ഇപ്പോൾ 3.45 മില്യണ്‍ മുസ്ലീങ്ങളാണ് അമേരിക്കയിലുള്ളത്. എന്നാൽ ഇത് 2040 ആകുമ്പോഴേക്കും മൊത്തം ജനസംഖ്യയില്‍ ക്രിസ്ത്യാനികള്‍ക്ക് പിന്നിലായി ഇസ്ലാം മതവിശ്വാസികളെത്തുമെന്നാണ് റിപ്പോർട്ടുകൾ അറിയിക്കുന്നത്. പി യു റിസര്‍ച്ച്‌ സെന്റര്‍ പുറത്തുവിട്ട പഠന റിപ്പോര്‍ട്ടിലാണ് ഈ വിവരങ്ങൾ പുറത്തു വിട്ടിരിക്കുന്നത്.

നിലവില്‍ അമേരിക്കയിൽ രണ്ടാംസ്ഥാനത്ത് ജൂതമത വിശ്വാസികളാണ്. 2017ലെ കണക്ക് പ്രകാരം ആകെ ജനസംഖ്യയുടെ 1.1 ശതമാനം പേര്‍ മുസ്ലീങ്ങളാണ് എന്നാൽ 2040 ഓടെ ഇതില്‍ ഒരു വലിയ മാറ്റം തന്നെ വരുമെന്നാണ് റിപ്പോർട്ടുകൾ പറയുന്നത്.

രാജ്യത്തെ ജൂത ജനസംഖ്യയേക്കാള്‍ വേഗത്തില്‍ ഇസ്ലാം ജനസംഖ്യ വര്‍ധിക്കുന്നുവെന്നാണ് പഠനം തെളിയിക്കുന്നത്. 2050 ആകുമ്പോഴേക്കും മൊത്തം ജനസംഖ്യയില്‍ 8.1 മില്യണ്‍ ആളുകള്‍ ഇസ്ലാം വിശ്വാസികളായിരിക്കും. ഒരു വര്‍ഷം ഒരു ലക്ഷം വർദ്ധനയാണ് മുസ്ലിം ജനസംഖ്യയിലുണ്ടാകുന്നതെന്നും റിപ്പോർട്ടുകൾ വെളിപ്പെടുത്തുന്നു.