ലോക പ്രശസ്ത പോണ്‍സ്റ്റാര്‍ മിയാ ഖലീഫ പോണ്‍ഫിലിം അഭിനയം നിര്‍ത്തുനുവെന്നു റിപ്പോർട്ടുകൾ. മുസ്ലീം പോണ്‍ സ്റ്റാര്‍ എന്ന പേരിലായിരുന്നു മിയ ഖലീഫ ലോകശ്രദ്ധ നേടിയിരുന്നത്. താരം തന്നെയാണ് തന്റെ പിൻവാങ്ങലിന്റെ കാരണങ്ങൾ വെളിപ്പെടുത്തിയിരിക്കുന്നത്.

മുസ്ലീം ആയതതിന്റെ പേരില്‍ ഇസ്ലാമിക് സ്റ്റേറ്റ് ഭീകരരുടെ നിരന്തരമായ വധഭീഷണി ഉയര്‍ന്നതിനെത്തുടര്‍ന്നാണ് മിയ നീലച്ചിത്ര അഭിനയരംഗത്തുനിന്ന് പിന്മാറുകയാണെന്ന് പ്രഖ്യാപിച്ചത്. " ജീവിച്ചിരിക്കണമെന്ന് ആഗ്രഹമുണ്ട്. എന്നതിനാല്‍ അഭിനയം നിര്‍ത്തുന്നു " എന്നാണ് നടിയുടെ വെളിപ്പെടുത്തൽ.

ലെബനനില്‍നിന്ന് പത്താം വയസ്സില്‍ കുടുംബത്തോടൊപ്പം അമേരിക്കയിലെത്തുകയും പിന്നീട് മയാമിയിലേക്ക് താമസം മാറുകയും ചെയ്ത മിയ, പോണ്‍ രംഗത്തെ സൂപ്പര്‍ത്താരമായാണ് വിലയിരുത്തപ്പെട്ടിരുന്നത്.

ഇരുപത്തിയഞ്ചുകാരി മിയയാണ് പോണ്‍ഹബ്ബ് വെബ് സൈറ്റിന്റെ റേറ്റിംഗ് പ്രകാരം ഒന്നാം സ്ഥാനത്ത് നില്‍ക്കുന്നത്. എന്നാല്‍, മിയയുടെ നീലച്ചിത്രങ്ങള്‍ പശ്ചിമേഷ്യയിലും മുസ്ലിം ലോകത്തും വലിയ എതിര്‍പ്പിന് കാരണമാവുകയും ചെയ്തു.

ഒരുവര്‍ഷം മുമ്ബാണ് മിയയ്ക്ക് ഐഎസ്‌ഐഎസിന്റെ വധഭീഷണിയുയര്‍ന്നത്. അതുകൊണ്ടാണ് താന്‍ നീലച്ചിത്ര രംഗത്തുനിന്ന് പിന്മാറിയതെന്ന് മിയ വെളിപ്പെടുത്തി. ഇപ്പോള്‍ ഒരു സ്പോര്‍ട്സ് ഷോയുടെ അവതാരകയായി പ്രവര്‍ത്തിക്കുന്ന മിയ, സൈക്ലിങ് താരം ലാന്‍സ് ആംസ്ട്രോങ്ങിന്റെ പോഡ്കാസ്റ്റിലാണ് പോണ്‍ രംഗം വിടാനുണ്ടായ സാഹചര്യം വെളിപ്പെടുത്തിയത്.

ഹിജാബ് ധരിച്ചുകൊണ്ട് പോണ്‍ രംഗങ്ങളില്‍ പ്രത്യക്ഷപ്പെട്ടതാണ് ഭീകരരെ കൂടുതല്‍ പ്രകോപിപ്പിച്ചത്. മുസ്ലീങ്ങളുടെ പാരമ്ബര്യ വസ്ത്രമണിഞ്ഞ് പോണ്‍ രംഗത്ത് പ്രത്യക്ഷപ്പെട്ടത് ഇത്രയേറെ കോളിളക്കമുണ്ടാക്കുമെന്ന് കരുതിയില്ലെന്ന് മിയ പറയുന്നു.