മക്കളുടെ സംശയം അതിരുകടന്നു. ലൈംഗികസംശയങ്ങള് തീര്ത്തു നല്കാന് അധ്യാപകനെ തേടി അമ്മ
കുട്ടികള് മതാപിതാക്കളോട് സംശയം ചോദിക്കുന്നത് സ്വാഭാവികമാണ്. എന്നാല് അവരുടെ എല്ലാ ചോദ്യങ്ങള്ക്കും പലപ്പോഴും ഉത്തരം നല്കാന് കഴിയില്ല. മിക്ക മാതാപിതാക്കളും മറുപടി പറയാന് കഴിയാത്ത ചോദ്യങ്ങള് കേട്ടില്ലെന്ന് നടിക്കുകയാണ് പതിവ്. എന്നാല് അതില് നിന്നും വ്യത്യസ്തമായി ഇവിടെ ഒരമ്മ മക്കളുടെ സംശയം തീര്ക്കാന് പരസ്യം നല്കി അധ്യാപകനെ അന്വേഷിക്കുകയാണ്. ഈ പരസ്യമാണ് ഇപ്പോള് സോഷ്യല് മീഡിയയിലെ സംസാര വിഷയം. തന്റെ എട്ട് വയസ്സായ മകള്ക്കും ഏഴ് വയസ്സായ മകനുമുള്ള ലൈംഗിക സംശയങ്ങള് തീര്ത്ത് നല്കാന് ഒരു അദ്ധ്യാപകനെ തേടി ഒരു അമ്മയിട്ട പരസ്യമാണ് ശ്രദ്ധേയമായത്.
അദ്ധ്യാപകന് ഇതിന് ഫീസ് നല്കാനും കുടുംബം തയ്യാറാണ് 2500 പൗണ്ട് ഇന്ത്യന് രൂപ 2 ലക്ഷത്തി ഇരുപത്തിരണ്ടായിരം രൂപയോളമാണ് ഫീസ് ആയി നല്കുന്നത്. ചെല്ഡ് കെയര് എന്ന വെബ്സൈറ്റിലാണ് കുട്ടികളുടെ അമ്മ പരസ്യം നല്കിയത്. ലൈംഗിക സംശയങ്ങള്ക്ക് സ്കൂളില് നല്ല രീതിയില് സംശയ ദുരീകരണം നടത്തുന്നില്ല എന്ന് പറഞ്ഞാണ് പരസ്യം നല്കിയിരുന്നത്. ഗര്ഭാവസ്ഥ, സ്വയംഭോഗം, ആര്ത്തവം എന്നിവയ്ക്ക് കുട്ടികള്ക്കുള്ള എല്ലാ സംശയവും തീര്ത്ത് നല്കുകയാണ് വേണ്ടതെന്നാണ് പരസ്യത്തില് വ്യക്തമാക്കിയിരിക്കുന്നത്.
https://www.facebook.com/Malayalivartha
