രാജ്യത്തിന്റെ സാമ്പത്തിക താത്പര്യങ്ങള്‍ ഹനിച്ചാല്‍ നോക്കിനില്‍ക്കില്ലെന്ന് ട്രംപിന് ചൈനയുടെ മുന്നറിയിപ്പ്
രാജ്യത്തിന്റെ സാമ്പത്തിക താത്പര്യങ്ങള്‍ ഹനിക്കുന്ന തീരുമാനങ്ങള്‍ അമേരിക്ക കൈക്കൊണ്ടാല്‍ തിരിച്ചടിക്കുമെന്ന് ചൈനയുടെ മുന്നറിയിപ്പ്. സ്റ്റീലിനും അലുമിനിയത്തിനും നികുതി ഏര്‍പ്പെടുത്താനുള്ള ട്രംപ് ഭരണകൂടത്തിന്റെ നീക്കത്തോടു പ്രതികരിക്കുകയായിരുന്നു ചൈന. ചൈന യുഎസുമായി വ്യാപാരയുദ്ധത്തിന് ആഗ്രഹിക്കുന്നില്ല.
എന്നാല്‍ ചൈനയുടെ താത്പര്യങ്ങള്‍ ഹനിക്കുന്ന തീരുമാനങ്ങള്‍ യുഎസ് കൈക്കൊണ്ടാല്‍ ചൈന അലസമായിരിക്കില്ല. ഇതിനോട് ആവശ്യമായ നടപടികള്‍ സ്വീകരിക്കും പാര്‍ലമെന്റിന്റെ വാര്‍ഷിക സമ്മേളനത്തിനു മുന്നോടിയായി മാധ്യമങ്ങളെ കണ്ട നാഷണല്‍ പീപ്പിള്‍സ് കോണ്‍ഗ്രസ് വക്താവ് ഴാങ് യെസൂയി പറഞ്ഞു. ട്രംപിന്റെ നികുതി തീരുമാനത്തോട് ചൈന സ്വീകരിച്ചിട്ടുള്ള ഏറ്റവും രൂക്ഷമായ പ്രതികരണമാണിത്.
പ്രസിഡന്റ് ഷീ ചിന്‍പിംഗിന്റെ മുഖ്യ സാമ്പത്തിക ഉപദേഷ്ടാവ് ലിയു ഹി കഴിഞ്ഞ ആഴ്ച വൈറ്റ് ഹൗസില്‍ യുഎസ് ഒഫീഷല്‍സുമായി കൂടിക്കാഴ്ച നടത്തിയിരുന്നു. സാന്പത്തിക ഇടപാടുകളും നയങ്ങളുമായിരുന്നു കൂടിക്കാഴ്ചയുടെ വിഷയമെന്നാണു റിപ്പോര്‍ട്ടുകള്‍.
https://www.facebook.com/Malayalivartha
