ഒ​മാ​നി​ലെ സ​ലാ​ല​യി​ല്‍ ഭീ​തി​വി​തച്ച് മെ​കു​നു ചു​ഴ​ലി​ക്കാ​റ്റ്. അ​റ​ബി​ക്ക​ട​ലി​ല്‍ രൂ​പം കൊ​ണ്ട ചു​ഴ​ലി​ക്കാ​റ്റ് ആണ് മെകുനു. യെ​മ​നും ഒ​മാ​നും അ​തി​ര്‍​ത്തി​ക​ള്‍ പ​ങ്കി​ടു​ന്ന ചു​ഴ​ലി​ക്കാ​റ്റ് ഭീ​ഷ​ണി​യു​ള്ള സ്ഥ​ല​ങ്ങ​ളി​ല്‍ നി​ന്നും വ്യാ​ഴാ​ഴ്ച ത​ന്നെ ആ ​ളു​ക​ളെ ഒ​ഴി​പ്പി​ച്ചി​രു​ന്നു. ശ​ക്ത​മാ​യ കാ​റ്റി​ല്‍ വലിയ രീതിയിലുള്ള നാശനഷ്ടമാണ് ഉണ്ടാകുന്നത്. വീട് ​ ത​ക​ര്‍​ന്നു വീ​ണ് 12 വ​യ​സു​കാ​ര​ന്‍ മ​രി​ച്ചു. 105 കി​ലോ​മീ​റ്റ​ര്‍ വേ​ഗ​ത​യി​ലാ​ണ് കാ​റ്റ് ആ​ഞ്ഞ​ടി​ക്കു​ന്ന​ത്. വീ​ടി​നു പു​റ​ത്തേ​ക്ക് ഇ​റ​ങ്ങ​രു​തെ​ന്ന് അ​ധി​കൃ​ത​ര്‍ നി​ര്‍​ദേ​ശം ന​ല്‍​കി​യി​ട്ടു​ണ്ട്. സ​ലാ​ല‍​യി​ലെ ഭൂ​രി​ഭാ​ഗം റോ​ഡു​ക​ളും അ​ട​ച്ചു. ശ​ക്ത​മാ​യ കാ​റ്റും മ​ഴ​യും അ​നു​ഭ​വ​പ്പെ​ടു​ന്ന​ത് സ​ലാ​ല നി​വാ​സി​ക​ളെ ഭീ​തി​യി​ലാ​ഴ്ത്തി​യി​രി​ക്കു​ക​യാ​ണ്.

ദോ​ഫാ​ര്‍, അ​ല്‍​വു​സ്ത മേ​ഖ​ല​ക​ളി​ല്‍ തി​ര​മാ​ല​ക​ള്‍ 8 മു​ത​ല്‍ 12 മീ​റ്റ​ര്‍ വ​രെ​യും, അ​ല്‍ ഷ​ര്‍​ഖി​യ മേ​ഖ​ല​യി​ല്‍ തി​ര​മാ​ല​ക​ള്‍ 3 മു​ത​ല്‍ 4 മീ​റ്റ​ര്‍ വ​രെ​യും ഉ​യ​രു​മെ​ന്നാ​ണ് മു​ന്ന​റി​യി​പ്പ്. ഹാ​ഫ, ദാ​രി​സ്, അ​ല്‍​വാ​ദി, സാ​ദ, ഹം​ദാ​ന്‍ തു​ട​ങ്ങി​യ സ്ഥ​ല​ങ്ങ​ളി​ലും ഉ​ള്‍​പ്ര​ദേ​ശ​ങ്ങ​ളി​ലെ റോ​ഡു​ക​ളി​ലും വെ​ള്ളം ക​യ​റി​യി​ട്ടു​ണ്ട്. റൗ​ണ്ട് എ​ബൗ​ട്ടു​ക​ളി​ലു​ള്‍​പ്പെ​ട വെ​ള്ളം ക​യ​റി​യി​രി​ക്കു​ന്ന​തു​മൂ​ലം ഗ​താ​ഗ​തം പൂ​ര്‍​ണ​മാ​യി ത​ട​സ​പ്പെ​ട്ടി​രി​ക്കു​ക​യാ​ണ്.

യെ​മ​നി​ലെ സൊ​ക്കോ​ത്ര ദ്വീ​പി​ല്‍ വീ​ശി​യ​ടി​ച്ച കാ​റ്റി​ല്‍ 40 പേ​രെ കാ​ണാ​താ​യി. മ​ഴ​യി​ലും വെ​ള്ള​പ്പൊ​ക്ക​ത്തി​ലും ക​ന​ത്ത നാ​ശ​ന​ഷ്ട​ങ്ങ​ളു​ണ്ടാ​യി. കാ​റ്റ​ഗ​റി ഒ​ന്ന് വി​ഭാ​ഗ​ത്തി​ല്‍ പെ​ടു​ന്ന ചു​ഴ​ലി​ക്കാ​റ്റ് ദ്വീ​പ് യെ​മ​ന്‍റെ ക​ര​ഭാ​ഗ​ത്തു നി​ന്നും 350 കി​ലോ മീ​റ്റ​ര്‍ ദൂ​രെ അ​റ​ബി​ക്ക​ട​ലി​ലാ​ണ് സ്ഥി​തി ചെ​യ്യു​ന്ന​ത്.

പ്രതികൂലമായ കാലാവസ്ഥയെ തുടര്‍ന്ന് ഇന്നലെ അര്‍ദ്ധരാത്രി മുതല്‍ 24 മണിക്കൂറത്തേക്ക് സലാല അന്താരാഷ്ട്ര വിമാനത്താവളം അടച്ചിട്ടു. ചുഴലിക്കാറ്റ് അപകടം വിതയ്ക്കുമെന്ന മുന്നറിയിപ്പിനെ തുടര്‍ന്ന് നിരവധി പേരെ അധികൃതര്‍ മാറ്റിപ്പാര്‍പ്പിച്ചു. സലാലയിലെ സുല്‍ത്താന്‍ ഖാബൂസ് ആശുപത്രിയില്‍ നിന്നും രോഗികളെയെല്ലാം സുരക്ഷിത സ്ഥാനത്തേക്ക് മാറ്റി. രാജ്യത്തെ പലയിടങ്ങളിലായി അതിശക്തമായ ഇടിമിന്നലും മഴയും ഉണ്ടായതായി റിപ്പോര്‍ട്ടുണ്ട്.

മേകുനു ചുഴലിക്കാറ്റ് വീശുമെന്ന മുന്നറിയിപ്പിനെ തുടര്‍ന്ന് ഗള്‍ഫ് രാജ്യങ്ങളിലെ മലയാളി സമൂഹവും ആശങ്കയിലാണ്. വെള്ളിയാഴ്ച അവധി ദിവസമായതിനാല്‍ മിക്ക മലയാളികളും റൂം വിട്ട് പുറത്തിറങ്ങില്ലെന്ന് വ്യക്തമാക്കിയിട്ടുണ്ട്. ജനങ്ങള്‍ ജാഗ്രത പാലിക്കണമെന്നും സര്‍ക്കാര്‍ ഏജന്‍സികള്‍ നല്‍കുന്ന മുന്നറിയിപ്പുകള്‍ പാലിക്കണമെന്നും അധികൃതര്‍ നിര്‍ദ്ദേശിച്ചു. മേകുനുവിന്റെ അലയൊലികള്‍ യു.എ.ഇയിലും ഉണ്ടാകുമെന്ന് മുന്നറിയിപ്പുണ്ട്.