ഇന്ത്യയുടെ പ്രതിഷേധം തള്ളി ബ്രിട്ടണ്; വിദ്യാര്ഥി വീസനയം പുനഃപരിശോധിക്കില്ലെന്നും ബ്രിട്ടണ്
വിദ്യാര്ഥികള്ക്കു വീസ നല്കുന്നതിനുള്ള ചട്ടങ്ങളില് ഇളവ് അനുവദിച്ചിട്ടുള്ള രാജ്യങ്ങളുടെ പട്ടികയില് ഇന്ത്യയെ ഉള്പ്പെടുത്താത്ത തീരുമാനം പുനഃപരിശോധിക്കില്ലെന്നു ബ്രിട്ടണ്. ബ്രിട്ടന്റെ പുതുക്കിയ കുടിയേറ്റ നയത്തിനെതിരേ ഇന്ത്യയില്നിന്നു പ്രതിഷേധമുയര്ന്ന പശ്ചാത്തലത്തിലാണ് ബ്രിട്ടന്റെ പ്രതികരണം. പുതിയ നയംകൊണ്ട് ഇന്ത്യന് വിദ്യാര്ഥികള്ക്ക് വീസയ്ക്കായി അപേക്ഷിക്കുന്നതിനുള്ള നടപടിക്രമങ്ങളില് യാതൊരു മാറ്റവും സംഭവിച്ചിട്ടില്ലെന്നും യഥാര്ഥ അപേക്ഷകര്ക്ക് യുകെയില് പഠിക്കാന് അവസരമുണ്ടെന്നും ന്യൂഡല്ഹിയിലെ ബ്രിട്ടീഷ് ഹൈക്കമ്മീഷന് വക്താവ് അറിയിച്ചു.
അടുത്തമാസം ആറുമുതലാണ് ചട്ടം പ്രാബല്യത്തില് വരുന്നത്. വിദ്യാഭ്യാസയോഗ്യത, സാന്പത്തികനിലവാരം, ഇംഗ്ലീഷ് ഭാഷാ പരിജ്ഞാനം എന്നിവയില് കൂടുതല് ഇളവ് നല്കുന്ന തരത്തിലാണ് പുതിയ ചട്ടം. ഇതുവഴി കൂടുതല് വിദേശവിദ്യാര്ഥികളെ യുകെയിലെ സര്വകലാശാലയില് എത്തിക്കാനാണ് ലക്ഷ്യമിടുന്നത്.
കുടിയേറ്റ നയത്തിലെ അപ്പന്ഡിക്സ് എച്ച് ഹോം ഓഫീസ് വിലയിരുത്തി ആവശ്യമായ മാറ്റങ്ങള് വരുത്തുന്നതു സാധാരണ സംഭവമാണെന്നു പറഞ്ഞ വക്താവ്, ഇന്ത്യ ഇപ്പോഴും പട്ടികയില് ഉള്പ്പെടുത്താനാവാത്ത വിധത്തില് തുടരുകയാണെന്നു ചൂണ്ടിക്കാട്ടി. മാര്ച്ചില് അവസാനിച്ച അധ്യയന വര്ഷത്തില് ഇന്ത്യക്കാര്ക്ക് അനുവദിച്ചിട്ടുള്ള 4 യടര് വീസയില് 30 ശതമാനം വര്ധനവുണ്ടായിട്ടുണ്ടെന്നും വക്താവ് വ്യക്തമാക്കി.
https://www.facebook.com/Malayalivartha
