സീഷെല്സില് നാവിക താവളവുമായി മുന്നോട്ടുപോകുമെന്ന് ഇന്ത്യയും സീഷെല്സും
സീഷെല്സില് നാവിക താവളം സ്ഥാപിക്കുന്നതിനുള്ള ആശങ്കകല് പരിഗണിച്ചുകൊണ്ടുതന്നെ മുന്നോട്ടുപോകുമെന്ന് ഇന്ത്യയും സീഷെല്സും. പ്രധാനമന്ത്രി നരേന്ദ്രമോദി സീഷെല്സ് പ്രസിഡന്റ് ഡാനി ഫൊറെയുമായി നടത്തിയ ചര്ച്ചയിലാണ് പുതിയ പ്രതീക്ഷകള് ഉയരുന്നത്.
പ്രതിരോധ സന്നാഹങ്ങള് വര്ധിപ്പിക്കാന് സീഷെല്സിന് നൂറ് മില്യണ് അമേരിക്കന് ഡോളര് വായ്പ അനുവദിക്കുമെന്നും ചര്ച്ചയ്ക്കുശേഷം ഇന്ത്യ പ്രഖ്യാപിച്ചു. വായ്പ ഉപയോഗിച്ച് ആയുധങ്ങള് അടക്കമുള്ളവ വാങ്ങി സീഷെല്സിന് സൈന്യത്തെ ശക്തിപ്പെടുത്താന് കഴിയുമെന്ന് ഡാനി ഫൊറെയ്ക്കൊപ്പം നടത്തിയ സംയുക്ത വാര്ത്താ സമ്മേളനത്തില് പ്രധാനമന്ത്രി നരേന്ദ്രമോദി പറഞ്ഞു. നാവിക താവളം ഇന്ത്യന് മഹാസമുദ്രത്തിലെ ഇന്ത്യയുടെ ശക്തി വര്ധിപ്പിക്കുമെന്നും മോദി വ്യക്തമാക്കി
പ്രതിപക്ഷത്തിന്റെ കടുത്ത എതിര്പ്പിനെ തുടര്ന്ന്. പദ്ധതിക്ക് പാര്ലമെന്റ് അംഗീകാരം നല്കില്ലെന്ന് സീഷെല്സ് വിദേശകാര്യ വകുപ്പ് നേരത്തേ അറിയിച്ചിരുന്നു. അത്തരത്തില് പാര്ലമെന്റില്നിന്ന് തിരിച്ചടി നേരിട്ട പദ്ധതിയുമായി മുന്നോട്ടുപോകാനാണ് ന്യൂഡല്ഹിയില് നടന്ന ചര്ച്ചയില് ധാരണയായത്.
https://www.facebook.com/Malayalivartha
