അമേരിക്കന് കാപ്പിറ്റല് ഗസറ്റെ പത്രത്തിന്റെ ഓഫീസില് വെടിവെപ്പ്: വെടിവെപ്പില് 5 പേര് കൊല്ലപ്പെട്ടു
അമേരിക്കയിലെ കാപ്പിറ്റല് ഗസറ്റെ പത്രത്തിന്റെ ഓഫീസില് നടന്ന വെടിവെപ്പില് 5 പേര് കൊല്ലപ്പെട്ടതായി റിപ്പോര്ട്ട്. നിരവധി പേര്ക്ക് വെടിയേറ്റു. കൊല്ലപ്പെട്ടവരില് മാധ്യമ പ്രവര്ത്തകരും ഉള്പ്പെട്ടതായി റിപ്പോര്ട്ടുട്ട്. പ്രാദേശിക പത്രമായ കാപ്പിറ്റല് ഗസറ്റെയുടെ ഹെഡ് ക്വാര്ട്ടേഴ്സിലാണ് വെടിവെപ്പ് നടന്നത്. വൈകിട്ട് മൂന്നരയോടെയാണ് സംഭവം ഉണ്ടായത്. മേരിലാന്ഡിലെ അന്നാപോളിസിലാണ് സംഭവം.
തോക്കുമായി എത്തിയ ഒരാള് പത്രമോഫീസിലെ ജീവനക്കാര്ക്ക് നേരെ വെടിവെക്കുകയായിരുന്നു എന്ന് ദൃക് സാക്ഷികള് പറയുന്നു. അക്രമിയെ പോലീസ് അറസ്റ്റ് ചെയ്തിട്ടുണ്ട്.
പത്രമോഫീസിന്റെ ന്യൂസ് റൂമിലേക്ക് കയറിയ അക്രമി ഓഫീസ് വെടിവെച്ച് തകര്ത്ത ശേഷം ഓഫീസില് ഉണ്ടായിരുന്നവര്ക്ക് നേരെ നിറയൊഴിക്കുകയായിരുന്നു. ഷോട്ട് ഗണ് ഉപയോഗിച്ചായിരുന്നു ആക്രമണം. സംഭവത്തെ തുടര്ന്ന് അമേരിക്കയിലെ മാധ്യമസ്ഥാപനങ്ങളുടെ സുരക്ഷ വര്ധിപ്പിച്ചു.
https://www.facebook.com/Malayalivartha
