ഫ്‌ളക്‌സില്ലാതെ എന്ത് ആഘോഷം? കോണ്‍ഗ്രസിനുള്ളില്‍ തന്നെ എതിര്‍പ്പ് വന്നതു കാരണം ഫ്‌ളക്‌സ് ബോര്ഡുകള്ക്ക് നിരോധനമില്ല, നിയന്ത്രണം മാത്രം
ഫ്‌ളക്‌സില്ലാതെ നേതാക്കന്മാര്‍ക്ക് എന്ത് ആഘോഷം എന്ന തിരിച്ചറിവ് വന്നതോടെ ഫ്‌ളക്‌സ് ബോര്‍ഡ് നിരോധനത്തിന് താത്ക്കാലിക വിരാമം. സര്‍ക്കാര്‍ അനുകൂല യുവജന സംഘടനകളും പോഷകസംഘടനകളും കടുത്ത പ്രതിഷേധവുമായി രംഗത്തെത്തിയതോടെയാണ്‌ തീരുമാനത്തില്‍ മാറ്റം വരുത്താന്‍ സര്‍ക്കാര്‍ തീരുമാനിച്ചത്‌.
നിലവിലെ നിര്‍ദേശ പ്രകാരം ഫ്‌ളക്‌സ് ബോര്ഡുകള്ക്ക് നിരോധനം ഉണ്ടാകില്ല. എന്നാല്‍, ചില നിയന്ത്രണങ്ങള്‍ ഏര്‍പ്പെടുത്തും. മന്ത്രിമാരുടെ ചിത്രം പതിച്ച ഫ്‌ളക്‌സുകള്‍ സര്‍ക്കാര്‍ ചെലവില്‍ സ്‌ഥാപിക്കരുതെന്ന്‌ കര്‍ശന നിര്‍ദേശമുണ്ട്‌. അതേസമയം, പൊതുസ്‌ഥലങ്ങളില്‍ ഫ്‌ളക്‌സുകള്‍ക്കുള്ള പൂര്‍ണ്ണ നിരോധനം നടപ്പാക്കും.
പ്രവാസികള്‍ പലരും ഈ മേഖലയില്‍ മുതല്‍ മുടക്കിയിട്ടുണ്ട്‌. അതുകൊണ്ടുതന്നെ പൂര്‍ണ്ണ നിരോധനം പ്രയോഗികമല്ലെന്നും ഫ്‌ളക്‌സ് വ്യവസായത്തെ തകര്‍ക്കരുതെന്നും മന്ത്രിസഭാ യോഗത്തില്‍ അഭിപ്രായം ഉയര്‍ന്നിരുന്നു. ഇതിന്റെ അടിസ്‌ഥാനത്തില്‍ മന്ത്രിസഭാ ഉപസമിതി വിഷയം പരിശോധിക്കാനും തൊഴിലാളി സംഘടനകളുമായി ചര്‍ച്ച നടത്താനും തീരുമാനിച്ചിട്ടുണ്ട്‌. നിയന്ത്രണങ്ങള്‍ മതിയെന്നും നിരോധനം വേണ്ടെന്നുമാണ്‌ മന്ത്രിമാരുടെ പൊതു അഭിപ്രായം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
