നക്ഷത്രആമകളെ വില്ക്കാന് ശ്രമിച്ച നാലംഗസംഘം പിടിയില്
നക്ഷത്രആമകളെ വില്ക്കാന് ശ്രമിച്ച നാലംഗസംഘത്തെ പോലീസ് പിടികൂടി. വിദേശ വിപണിയില് ലക്ഷങ്ങള് വില മതിക്കുന്നതാണ് നക്ഷത്ര ആമകള്. കരുനാഗപ്പള്ളിയില് വച്ചാണ് സംഗത്തെ പോലീസ് പിടികൂടിയത്.പിടികൂടിയ നാലുപേരെയും വനംവകുപ്പിന് കൈമാറി. ആലുംകടവ് ഐക്കര വീട്ടില് മുസ്തഫ, ചവറ ഭരണിക്കാവ് പേരിനേഴത്ത് വീട്ടില് ശിവദാസന് നായര്, ആലപ്പുഴ കൈനകരി പഴയാറ്റിന് തറയില് ജിജോ, ചേനങ്കരി പാലത്തറയില് രഞ്ജിത്ത് എന്നിവരെയാണ് രണ്ട് നക്ഷത്ര ആമകളുമായി അറസ്റ്റ് ചെയ്തത്.
ശിവദാസന് നായരുടെ കൈവശമുണ്ടായിരുന്ന നക്ഷത്ര ആമകളെയാണ് വില്ക്കാന് തീരുമാനിച്ചത്. മുസ്തഫയുടെ നിര്ദ്ദേശപ്രകാരം ആമകളുമായി ശിവദാസന്ഡ നായര് ഇന്നലെ വൈകിട്ടോടെ കന്നേറ്റി പാലത്തിന് സമീപമെത്തി. ആമകളെ വാങ്ങാന് ആലപ്പുഴയില് നിന്ന ജിജോയും രഞ്ജിത്തുമെത്തി. നാലു പേരും കന്നേറ്റി പാലത്തിന് സമീപം ഒരുമിച്ച് ആമയെ കൈമാറുന്നതിനിടെ പോലീസിന്റെ പിടികൂടുകയായിരുന്നു. ശിവദാസന് നായര്ക്ക് ചെന്നൈയില് നിന്ന് ഇയാളുടെ ബന്ധു വില്പ്പനയ്ക്കായി എത്തിച്ചതാണെന്ന് പോലീസ് അന്വേഷണത്തില് തെളിഞ്ഞു. കുറച്ചു നാള് മുമ്പ് വെള്ളിആമയെ വില്ക്കാന് ശ്രമിച്ചവരെ രഹസ്യവിവരത്തെ തുടര്ന്ന് വനം വകുപ്പ് പിടികൂടിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
