മദ്യത്തിന് വില കൂടും, ഓര്‍ഡിനന്‍സില്‍ ഗവര്‍ണര്‍ ഒപ്പു വെച്ചു
സംസ്ഥാനത്ത് മദ്യത്തിന്റെയും പുകയില ഉല്‍പ്പന്നങ്ങളുടെയും വില കൂടും. ഇത് സംബന്ധിച്ച ഓര്‍ഡിനന്‍സില്‍ ഗവര്‍ണര്‍ ഒപ്പു വെച്ചു. ഇന്ത്യന്‍ നിര്‍മിത വിദേശ മദ്യത്തിന് 20 ശതമാനം അധിക നികുതിയും അഞ്ച് ശതമാനം സെസ്സും നാളെ നിലവില്‍ വരും.
ബിയര്‍, വൈന്‍ എന്നിവയുടെ വിലയും വര്‍ധിക്കും. ഇവയുടെ വില കൂട്ടുന്നതുകൊണ്ട് 1500 കോടിരൂപയാണ് അധികമായി ട്രഷറിയിലെത്തുക.
സ്റ്റാംപ്, റജിസ്‌ട്രേഷന്‍ ഫീസും വര്‍ദ്ധിച്ചു. ബന്ധുക്കള്‍ തമ്മിലുള്ള ഭാഗം, ദാനം, റിലീസ്, സെറ്റില്‍മെന്റ് എന്നിവയുടെ സ്റ്റാംപ് നികുതിയാണ് കൂട്ടിയത്. ഭാഗം, റിലീസ് എന്നിവയ്ക്ക് ഒരു ശതമാനവും ദാനം, സെറ്റില്‍മെന്റ് എന്നിവയ്ക്ക് രണ്ട് ശതമാനവും ആയിരിക്കും ഇനി മുതല്‍ സ്റ്റാംപ് ഡ്യൂട്ടി.
റജിസ്‌ട്രേഷന്‍ ഫീസ് ഭൂമിവിലയുടെ ഒരു ശതമാനമായിരിക്കും. ഭൂമിയുടെ ന്യായവില 50 ശതമാനം കൂട്ടിയതോടെ ഈ പുതിയ നികുതികളില്‍ നിന്നുള്ള വരുമാനവും കൂടും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
