കേരളത്തില് ഇനി കാന്സര് ചികിത്സ സൗജന്യമായി
കാന്സര് സെന്ററുകളും മെഡിക്കല് കോളേജുകള് അടക്കമുള്ള എല്ലാ സര്ക്കാര് ആശുപത്രികളിലും കാന്സര് ചികിത്സ സൗജന്യമാക്കി. സുകൃതം പദ്ധതി എന്ന പേരിലറിയപ്പെടുന്ന ഇതിന്റെ ഉദ്ഘാടനം മുഖ്യമന്ത്രി വെള്ളിയാഴ്ച നിര്വഹിക്കും. ആരോഗ്യമന്ത്രി വി.എസ് ശിവകുമാര് അധ്യക്ഷത വഹിക്കും. പദ്ധതി സമര്പ്പണം ചലച്ചിത്ര താരം മമ്മൂട്ടി നിര്വഹിക്കും.
സുകൃതം പദ്ധതി നടപ്പിലാക്കുന്നതോടെ ഇന്ത്യയില് കാന്സര് ചികിത്സ സൗജന്യമാക്കുന്ന ആദ്യ സംസ്ഥാനമായി കേരളം മാറും.
ഈ പദ്ധതിയുടെ ആരംഭഘട്ടത്തില് തിരുവനന്തപുരം സംസ്ഥാന കാന്സര് ഇന്സ്റ്റിറ്റിയൂട്ട്, മലബാര് കാന്സര് സെന്റര് , തിരുവനന്തപുരം ആലപ്പുഴ, കോഴിക്കോട് ഗവണ്മെന്റ് മെഡിക്കല് കോളേജുകള് എറണാകുളം ജനറല് ആശുപത്രി എന്നിവിടങ്ങളിലാണ് കാന്സര് ചികിത്സ സൗജന്യമാക്കുന്നത്.
സ്വാതന്ത്ര്യദിനത്തിലാണ് ഈ പദ്ധതി പ്രഖ്യാപിച്ചത്. ഏകദേശം 300 കോടിയോളം രൂപ വര്ഷത്തില് ചെലവു വരും. ആരോഗ്യ ഇന്ഷുറന്സ്, കാരുണ്യ ബനവലന്റ് ഫണ്ട്, കാന്സര് സുരക്ഷാ പദ്ധതി, താലോലം , ആരോഗ്യകിരണം തുടങ്ങിയ പദ്ധതികളുടെ പരിധിയില് വരാത്തവര്ക്കും ഇതിന്റെ പ്രയോജനം ലഭിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
