കേരളത്തിലെ പ്രായമായ സെലിബ്രിറ്റികള്‍ക്ക് സ്ത്രീകളോട് എന്താണ് ഇത്ര വിരോധമെന്നാണ് പലരുടേയും ചോദ്യം. യേശുദാസിന്റെ ജീന്‍സ് വിവാദത്തിന് പിന്നാലെയാണ് മമ്മൂട്ടിയും രംഗത്തെത്തിയത്.

സ്വന്തം കുട്ടികള്‍ക്ക് ഭക്ഷണം പാകം ചെയ്യാന്‍ സമയമില്ലാത്തവര്‍ അമ്മമാരാകാന്‍ ശ്രമിക്കരുതെന്നായിരുന്നു മമ്മൂട്ടിയുടെ പ്രതികരണം. പ്ലാസ്റ്റിക്കില്‍ പൊതിഞ്ഞ ആഹാര സാധനങ്ങള്‍ അവര്‍ക്ക് നല്‍കുന്നതിലൂടെ കൊടും ക്രൂരതയാണ് മാതാപിതാക്കള്‍ കാണിക്കുന്നത്. സംസ്ഥാന സര്‍ക്കാരിന്റെ ക്യാന്‍സര്‍ ചികിത്സ സൗജന്യമാക്കുന്ന സുകൃതം പദ്ധതിയിലാണ് മമ്മൂട്ടിയുടെ ഈ അഭിപ്രായ പ്രകടനം.
മമ്മൂട്ടിയുടെ പ്രതികരണത്തിനെതിരെ വലിയൊരു സമൂഹം രംഗത്തെത്തിയിരിക്കുകയാണ്. കുട്ടികളുടെ കാര്യത്തില്‍ അച്ഛന്‍മാര്‍ക്കും അമ്മമാര്‍ക്കും തുല്യ ഉത്തരവാദിത്വമുണ്ട്. അമ്മമാര്‍ മാത്രം കുട്ടികള്‍ക്ക് ഭക്ഷണം പാകം ചെയ്ത് അടുക്കളയില്‍ കഴിയുക എന്നത് പഴയ സങ്കല്‍പം മാത്രമാണ്. ഇപ്പോള്‍ പുരുഷന്മാരോടൊപ്പം സ്ത്രീകളും തുല്യത അനുഭവിക്കുന്ന ഈ സമൂഹത്തില്‍ മമ്മൂട്ടി നടത്തിയ ഈ അഭിപ്രായ പ്രകടനം എന്തിനെന്ന് പലര്‍ക്കും മനസിലാകുന്നില്ല.

സ്വന്തം കുട്ടികള്‍ക്ക് ഭക്ഷണം പാകം ചെയ്യാന്‍ സമയമില്ലാത്തവര്‍ അമ്മയാകാന്‍ശ്രമിക്കരുത്

മമ്മൂട്ടിയെപ്പോലെ അറിവും ലോക പരിചയവുമുള്ളയാള്‍ സ്ത്രീകള്‍ക്കെതിരെ ഇങ്ങനെ പ്രസ്ഥാവന നടത്താന്‍ പാടില്ലായിരുന്നു. ഇന്ന് പുരുഷനോടൊപ്പം എല്ലാകാര്യത്തിലും ഒരു താങ്ങായി സ്ത്രീയുമുണ്ട്. പുരുഷന്മാരേക്കാള്‍ വരുമാനമുണ്ടാക്കി കൂടുബത്തിന് താങ്ങും തണലുമാകുന്ന സ്ത്രീകള്‍ സര്‍വ സാധാരണമാണ്. പകല്‍ മുഴുവന്‍ ഒരു പോലെ പണിയെടുത്ത് വീട്ടില്‍ ഒരുമിച്ചെത്തുന്ന അച്ഛനമ്മമാരില്‍ അച്ഛന്‍ മാത്രം ടിവിയും കണ്ട് കറങ്ങി നടന്നാല്‍ മതിയോ? പകലത്തെ ഔദ്യോഗിക ജോലിക്ക് പുറമേ വീട്ടിലെ സര്‍വമാന ജോലികളും അമ്മമാര്‍ തന്നെ ചെയ്യണമെന്നാണോ സോഷ്യലിസ്റ്റായ മമ്മൂട്ടി പറയുന്നത്. അവരെ മാത്രം പാര്‍ശ്വവല്‍ക്കരിക്കേണ്ടതിന്റെ കാര്യമെന്താണ്. കുട്ടികള്‍ക്ക് വിഷമില്ലാത്ത നല്ല ഭക്ഷണം നല്‍കുന്നതില്‍ അച്ഛനും പൂര്‍ണ ഉത്തരവാദിത്വമുണ്ട്. അച്ഛന്‍ പാചകം ചെയ്താലും നല്ല ഭക്ഷണം കുട്ടിക്ക് കൊടുക്കാന്‍ പറ്റും. 

സ്ത്രീ സമൂഹത്തെ മൊത്തത്തില്‍ അടിച്ചാഷേപിക്കുന്ന ഈ പ്രസ്താവന മമ്മൂട്ടി പിന്‍വലിക്കണമെന്നാണ് പലരുടേയും ആവശ്യം. മമ്മൂട്ടി ഇത്രയും സങ്കുചിതമായി ചിന്തിക്കരുതായിരുന്നു. സ്ത്രീകളോടുള്ള മമ്മൂട്ടിയുടെ കാഴ്ചപ്പാടാണ് ഇത് സൂചിപ്പിക്കുന്നത്. സ്വന്തം കുട്ടിക്ക് ഭക്ഷണം പാചകം ചെയ്യാന്‍ സമയമില്ലാത്തവര്‍ അച്ഛന്‍മാരാകാന്‍ ശ്രമിക്കരുത് എന്ന് മമ്മൂട്ടി എന്ത് കൊണ്ട് പറയുന്നില്ല. 
യേശുദാസം മമ്മൂട്ടിയും പറയുന്നത് കൂട്ടി വായിച്ചാല്‍ എല്ലാമാകും. ജീന്‍സിടാതെ വല്ല അടുക്കളയുടെ പിന്നാമ്പുറത്തും കുട്ടികളെ തീറ്റിപ്പോറ്റിയാല്‍ എല്ലാ പ്രശ്‌നങ്ങള്‍ക്കും പരിഹാരമാകുമോ? 

ഇതില്‍ ഒരാളുടെ ചോദ്യത്തിന് മമ്മൂട്ടിയുടെ കമന്റിനുള്ള എല്ലാ ഉത്തരവും കിട്ടും.

താങ്കളുടെ വീട്ടില്‍ എത്ര വേലക്കാരികളുണ്ട് ?

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha