മിസോറാമില് നാമനിര്ദ്ദേശ പത്രിക സമര്പ്പിക്കാനുള്ള അവസാന തീയതി നീട്ടണമെന്ന ബി.ജെ.പിയുടെ ആവശ്യം തെരഞ്ഞെടുപ്പ് കമ്മീഷന് തള്ളി; നവംബര് 9 തന്നെയാകും പത്രിക സമര്പ്പിക്കേണ്ട അവസാന തീയതിയെന്ന് കമ്മീഷന്
മിസോറാമില് നാമനിര്ദ്ദേശ പത്രിക സമര്പ്പിക്കാനുള്ള അവസാന തീയതി നീട്ടണമെന്ന ബി.ജെ.പിയുടെ ആവശ്യം തെരഞ്ഞെടുപ്പ് കമ്മീഷന് തള്ളി. സംസ്ഥാന അധ്യക്ഷന് ജെ.വി.ലൂന സമര്പ്പിച്ച അപേക്ഷക്കാണ് കമ്മീഷന്റെ തിരിച്ചടി. നേരത്തേ മിസോറാം മുഖ്യ തിരഞ്ഞെടുപ്പ് കമ്മീഷണറെ പുറത്താക്കണമെന്ന ആവശ്യവുമായി പൗരാവകാശ സംഘടനകള് പ്രക്ഷോഭത്തിനിറങ്ങിയിരുന്നു. നവംബര് 28നാണ് മിസോറാമില് നിയമസഭാ തെരഞ്ഞെടുപ്പു നടക്കാനിരിക്കുന്നത്. മിസോറാമുള്പ്പടെ അഞ്ച് സംസ്ഥാനങ്ങളിലാണ് നിയമസഭാ തിരഞ്ഞെടുപ്പ് നടക്കുന്നത്.
വടക്കു കിടക്കന് സംസ്ഥാനങ്ങളില് ക്രമസമാധാന പ്രശ്നങ്ങളുണ്ടെന്ന് ചൂണ്ടിക്കാട്ടിയാണ് ബി.ജെ.പി നാമനിര്ദേശ പത്രിക സമര്പ്പിക്കാനുള്ള സമയം നീട്ടണമെന്ന ആവശ്യവുമായി തെരഞ്ഞെടുപ്പു കമ്മീഷനെ സമീപിച്ചത്. സംസ്ഥാനത്തെ നിലവിലെ സമാധാനപരമായ സാഹചര്യം പരിഗണിച്ച് ബി.ജെ.പിയുടെ അപേക്ഷ പരിഗണിക്കാനാവില്ല എന്നാണ് മിസോറാം ബി.ജെ.പി അധ്യക്ഷന് ജെ.വി ഹ്ലുനയ്ക്ക് നല്കിയ മറുപടിയില് തെരഞ്ഞെടുപ്പു കമ്മീഷന് പറയുന്നത്.
സംസ്ഥാന തെരഞ്ഞെടുപ്പ് കമ്മീഷണറായ എസ്.ബി ശാഷങ്കിനെ മുഖ്യ തെരഞ്ഞെടുപ്പ് കമ്മീഷന് ഡല്ഹിയിലേക്ക് വിളിച്ചിരുന്നു. ഇതിന് ശേഷമാണ് പ്രക്ഷോഭങ്ങള്ക്ക് അയവ് വന്നത്. സംസ്ഥാനത്ത് സമാധാന അന്തരീക്ഷം നിലനില്ക്കുന്ന സാഹചര്യത്തില് നാമനിര്ദ്ദേശ പത്രിക സമര്പ്പിക്കാനുള്ള തീയതി നീട്ടേണ്ട ആവശ്യമില്ലെന്ന് തിരഞ്ഞെടുപ്പ് കമ്മീഷന് വ്യക്തമാക്കി. നവംബര് 9 തന്നെയാകും പത്രിക സമര്പ്പിക്കേണ്ട അവസാന തീയതി കമ്മീഷന് വ്യക്തമാക്കി.
https://www.facebook.com/Malayalivartha
