സുപ്രീംകോടതി വിധിയുടെ പശ്ചാത്തതിൽ യുവതി പ്രവേശനവുമായി ബന്ധപ്പെട്ട് ശ​ബ​രി​മ​ല​യി​ലുണ്ടാകുന്ന പോ​ലീ​സ് ഇ​ട​പെ​ട​ല്‍ ശ​രി​യാ​യ ദി​ശ​യി​ലെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ‍​യ​ന്‍. ക​ലാ​പ​കാ​രി​ക​ള്‍ ശ​ബ​രി​മ​ല​യി​ല്‍ ക​യ​റു​ന്ന​ത് ത​ട​യാ​നാ​ണ് പോ​ലീ​സ് ന​ട​പ​ടി​ക​ള്‍ സ്വീ​ക​രി​ക്കു​ന്ന​തെ​ന്നും പോ​ലീ​സി​ന്‍റെ പ്ര​വ​ര്‍​ത്ത​ന​ങ്ങ​ളെ ത​ട​യാ​നാ​കി​ല്ലെന്നും മു​ഖ്യ​മ​ന്ത്രി വാ​ര്‍​ത്താ സ​മ്മേ​ള​ന​ത്തി​ല്‍ പറഞ്ഞു.

'യഥാര്‍ത്ഥ ഭക്തര്‍ക്ക് ശബരിമലയില്‍ ഒരുതടസവും സര്‍ക്കാരിന്റെ ഭാഗത്തു നിന്നും ഉണ്ടായിട്ടില്ല. കലാപം ഉണ്ടാക്കാന്‍ ശ്രമിക്കുന്നവര്‍ക്കും ഭക്തരെ തടയാന്‍ ശ്രമിക്കുന്നവര്‍ക്കും എതിരെയാണ് പൊലീസ്. കലാപകാരികളില്‍ നിന്നും ഭക്തരെ തടയാന്‍ ശ്രമിക്കുന്നതിനുള്ള നടപടിയാണ് പൊലീസ് സ്വീകരിച്ചത്. പൊലീസിന്റെ ഇടപെടല്‍ ശരിയായ ദിശയിലാണ്'- പി​ണ​റാ​യി വി​ജ‍​യ​ന്‍

ജോ​ലി ചെ​യ്യു​ന്ന ഉ​ദ്യോ​ഗ​സ്ഥ​രെ അ​പ​മാ​നി​ക്കാനായി സം​ഘ​പ​രി​വാ​ര്‍ ശ്ര​മി​ക്കു​ക​യാ​ണ്. ഹൈ​ക്കോ​ട​തി​യി​ല്‍​നി​ന്നും സ​ര്‍​ക്കാ​രി​നു അ​നു​കൂ​ല​മാ​യ പ​രാ​മ​ര്‍​ശ​മാ​ണ് ഉ​ണ്ടാ​യ​ത്. ശബരിമലയില്‍ അ​ക്ര​മി​ക​ളെ ത​ട​യു​ന്ന​തി​ന് പൊലീസിന് പൂര്‍ണ അധികാരം നല്‍കുന്നതാണ് വിധി. ഒരു പൊലീസ് ഉദ്യോഗസ്ഥനെയും വ്യക്തിപരമായി 14 പേജുള്ള ഉത്തരവില്‍ കോടതി വിമര്‍ശിച്ചിട്ടില്ല. ശ​ബ​രി​മ​ല​യി​ല്‍ ഒ​റ്റ​യ്ക്കോ കൂ​ട്ട​മാ​യോ എ​ത്തു​ന്ന​തി​നും ശ​ര​ണം വി​ളി​ക്കു​ന്ന​തി​നും ത​ട​സ​മി​ല്ലെ​ന്നും അ​ദ്ദേ​ഹം വ്യകത്മാക്കി.

അതേസമയം ബി​ജെ​പി നേ​താ​ക്ക​ളു​ടെ ആ​ക്ഷേ​പ​ത്തി​നു ഇ​ര​യാ​യ എ​സ്പി യ​തീ​ഷ് ച​ന്ദ്ര​യെ മു​ഖ്യ​മ​ന്ത്രി പി​ന്തു​ണ​ച്ചു. പോലീസ് കേന്ദ്രമന്ത്രി പൊൻ രാധാകൃഷ്ണനെ അപമാനിക്കാൻ ശ്രമിച്ചിട്ടില്ലെന്നും യ​തീ​ഷ് ച​ന്ദ്ര‍​യു​ടെ ന​ട​പ​ടി​യി​ല്‍ തെ​റ്റി​ല്ലെന്നും അംഗീകാരവും ആ​ദ​ര​വോ​ടെ​യാ​ണ് കേ​ന്ദ്ര​മ​ന്ത്രി​യോ​ട് സം​സാ​രി​ച്ച​ത്. പൊലീസ് മാന്യമായി തന്നെയാണ് കാര്യങ്ങള്‍ നീക്കുന്നത്. ഉദ്യോഗസ്ഥരെല്ലാം നല്ല രീതിയില്‍ ഡ്യൂട്ടി നോക്കുന്നു. സ്‌തുത്യര്‍ഹമായ നിലയിലാണ് കാര്യങ്ങള്‍ മുന്നോട്ടു പോകുന്നതെന്നും മുഖ്യമന്ത്രി കൂട്ടിച്ചേര്‍ത്തു.