മുന്നാക്കക്കാരിലെ പിന്നാക്കക്കാര്ക്ക് സംവരണം ഏര്പ്പെടുത്താന് കമ്മീഷനെ നിയോഗിക്കുമെന്ന് മുഖ്യമന്ത്രി
മുന്നാക്കക്കാരിലെ പിന്നാക്കക്കാര്ക്ക് സംവരണം ഏര്പ്പെടുത്താന് കമ്മീഷന് നിയോഗിക്കുമെന്ന് മന്ത്രിസഭായോഗ തീരുമാനങ്ങള് വിശദീകരിച്ച് മുഖ്യമന്ത്രി. കേന്ദ്ര മാനദണ്ഡമനുസരിച്ച് സംസ്ഥാനത്തിന്റെ സവിശേഷസാഹചര്യം പരിശോധിക്കാനാണ് ജില്ലാ ജഡ്ജി അധ്യക്ഷനായ സമിതി കൂടിയത്. മൂന്നുമാസത്തിനകം കമ്മീഷന് റിപ്പോര്ട്ട് സമര്പ്പിക്കണമെന്ന് നിര്ദ്ദേശിച്ചിട്ടുണ്ട്.
മന്ത്രിസഭായോഗ തീരുമാനങ്ങള് വിശദീകരിച്ച് സംസാരിക്കുകയായിരുന്നു അദ്ദേഹം. കേരള അഡ്മിനിസ്ട്രേറ്റിവ് സര്വീസിനായി പുതിയ വിജ്ഞാപനമിറക്കാനും തീരുമാനമായി. നിയമോപദേശത്തിന്റെ അടിസ്ഥാനത്തിലാണ് തീരുമാനം. കെ.എ.എസില് രണ്ട് സ്ട്രീമുകളില് കൂടി സംവരണം ബാധകമാക്കും.
മന്ത്രിസഭായോഗ ത്തിൽ ആത്മഹത്യ ചെയ്ത കര്ഷകരുടെ കുടുംബങ്ങള്ക്ക് സഹായം നല്കാന് ധാരണയായി . 3 ലക്ഷം വരെയുള്ള വായ്പ കാര്ഷിക കടാശ്വാസ കമ്മീഷന് പരിഗണിക്കും. ഇന്ന് ചേര്ന്ന പ്രത്യേക മന്ത്രിസഭായോഗമാണ് ഇത് സംബന്ധിച്ച തീരുമാനമെടുത്തത്.
കാര്ഷിക കടാശ്വാസ വായ്പയുടെ മൊറട്ടോറിയം പരിധി ഒരു ലക്ഷത്തില് നിന്ന് രണ്ട് ലക്ഷമായി ഉയര്ത്തും . പ്രളയബാധിതമേഖലകളില് കാര്ഷിക വായ്പകളുടെ പലിശ സര്ക്കാര് വഹിക്കുമെന്നും തീരുമാനിച്ചു. . പ്രളയ പുനര്നിര്മ്മാണത്തിന് ലോകബാങ്കില് നിന്ന് വായ്പ വാങ്ങാന് മന്ത്രിസഭായോഗം അനുമതി നല്കി.
ഈ വര്ഷം ഡിസംബര് 31 വരെ മൊറട്ടോറിയം കാലാവധി ദീര്ഘിപ്പിച്ചിട്ടുണ്ട്.
https://www.facebook.com/Malayalivartha
