സോളാര് സമരകാലത്ത് കേന്ദ്രസേനയെ ഇറക്കി എല്.ഡി.എഫ് സമരത്തെ നേരിട്ട കോണ്ഗ്രസ് നേതൃത്വത്തെ വിമര്ശിക്കാന് ബി.ജെ.പി അധ്യക്ഷന് അമിത് ഷാ ആണ്കുട്ടിയാണെന്ന് ചാനലിലിരുന്ന് വീരവാദം മുഴക്കിയ സി.ദിവാകരന് വെട്ടിലായി
സോളാര് സമരകാലത്ത് കേന്ദ്രസേനയെ ഇറക്കി എല്.ഡി.എഫ് സമരത്തെ നേരിട്ട കോണ്ഗ്രസ് നേതൃത്വത്തെ വിമര്ശിക്കാന് ബി.ജെ.പി അധ്യക്ഷന് അമിത് ഷാ ആണ്കുട്ടിയാണെന്ന് ചാനലിലിരുന്ന് വീരവാദം മുഴക്കിയ സി.ദിവാകരന് വെട്ടിലായി. ഡല്ഹി ഭരിക്കുന്നത് ആണ്പിള്ളേരാ, അമിത്ഷായാണ് ഭരിക്കുന്നത്- എന്നാണ് ദിവാകരന് ചാനല് ചര്്ച്ചയില് കോണ്ഗ്രസ് നേതാവ് അജയ്തറയിലിനെ വെല്ലുവിളിച്ചത്. യു.പി.എ സര്ക്കാര് അധികാരത്തില് നിന്ന് ഇറങ്ങിയ ശേഷം എല്.ഡി.എഫ് ഉമ്മന്ചാണ്ടിക്കെതിരെ സമരം നടത്തിയെങ്കിലും അന്ന് പട്ടാളത്തെ വിളിക്കാന് കോണ്ഗ്രസിനായില്ല. അതിനെ കഴിഞ്ഞ നിയമസഭാ തെരഞ്ഞെടുപ്പ് സമയത്ത് നടന്ന ചര്ച്ചയിലാണ് സി.ദിവാകരന് പരിഹസിച്ചത്. പക്ഷെ, അതിനിടെ ബി.ജെ.പി അധ്യക്ഷനെ അറിയാതെ പുകഴ്ത്തിപ്പോയി. അതിപ്പോള് ദിവാകരന് തന്നെ പാരയായി മാറിയിരിക്കുകയാണ്.
തിരുവനന്തപുരം പാര്ലമെന്റ് സീറ്റില് സ്ഥാനാര്ത്ഥിയായി സി.ദിവാകരന് കളത്തിലിറങ്ങുമ്പോള് പ്രധാന എതിരളികളായ ബി.ജെ.പിക്കും പാര്ട്ടി അധ്യക്ഷന് അമിത്ഷായ്ക്കും എതിരെ ഒന്നും ഉരിയാടാനാകാത്ത സ്ഥിതിയിലാണ് അദ്ദേഹം. ദില്ലി ഭരിക്കുള്ളത് ആണ്പിള്ളേരാണെന്നും അമിത് ഷായാണെന്നുമുള്ള വീരവാദം ബി.ജെ.പി ഏറ്റെടുത്തുകഴിഞ്ഞു. സോഷ്യല് മീഡിയയിലെ ട്രെന്ഡിംഗ് വീഡിയോയായി മാറിയിരിക്കുകയാണ് ദിവാകരന്റെ അമിത്ഷാ സ്തുതി. കോണ്ഗ്രസ് മറ്റൊരു രീതിയില് ഈ വിഡിയോ ഉപയോഗിക്കുന്നുണ്ട്. ഇടത്പക്ഷവും ബി.ജെ.പിയും തമ്മിലുള്ള രഹസ്യധാരണയുടെ ഉദാഹരണമാണ് സി.ദിവാകരന്റെ പുകഴ്ത്തലെന്ന് കോണ്ഗ്രസ് ആരോപിക്കും. ഇതേക്കുറിച്ച് സി.ദിവാകരന് ഇതുവരെ പ്രതികരിച്ചിട്ടില്ല എന്നതും ശ്രദ്ധേയമാണ്.
തിരുവനന്തപുരം ലോക്സഭാമണ്ഡലത്തില് ബി.ജെ.പിക്ക് ഏറെ സാധ്യതയുണ്ട്. തിരുവനന്തപുരം നഗരസഭയില് നാല്പ്പത് കൗണ്സിലര്മാരാണ് അവര്ക്കുള്ളത്. വട്ടിയൂര്ക്കാവ് നിയമസഭാ മണ്ഡലത്തില് കുമ്മനം കഴിഞ്ഞ തവണ രണ്ടാമതെത്തിയിരുന്നു. നേമം മണ്ഡലത്തില് ഒ. രാജഗോപാല് വിജയിച്ചു. അങ്ങനെയുള്ളിടത്ത് അമിത്ഷായും ടീമും നല്ല ഭരണമാണ് നടത്തുന്നതെന്ന സി. ദിവാകരന്റെ പ്രസ്താവന ഇടത്പക്ഷത്തിന് ഏറെ ദോഷം ചെയ്യും. കേന്ദ്രസര്ക്കാരിന്റെ ജനദ്രോഹ നടപടികളെ കുറിച്ചും സംസ്ഥാന സര്ക്കാരിനോടുള്ള അവഗണനയെ കുറിച്ചും ദിവാകരന് പ്രസംഗിക്കുമ്പോഴും പ്രതികരിക്കുമ്പോഴും അമിഷാ സ്തുതി വെച്ച് ട്രോളുകള് ഇറങ്ങാനുള്ള സാധ്യത കൂടുതലാണ്. ബി.ജെ.പി സൈബര് വിംഗ് ഇതിനകം നിരവധി ട്രോളുകള് ഇറക്കിക്കഴിഞ്ഞു.
തെരഞ്ഞെടുപ്പ് പ്രചരണത്തിന് ചൂട് പിടിക്കുമ്പോള് ട്രോളുകളുടെ പെരുമഴയാകും ഉണ്ടാവുക. അങ്ങനെ വരുമ്പോള് തിരുവനന്തപുരം മണ്ഡലത്തില് ട്രോളുകളുടെ പ്രധാന ഇര ദിവാകരനായിരിക്കും. കഴിഞ്ഞ തവണ തിരുവനന്തപുരം സീറ്റ് ബെന്നറ്റ് എബ്രഹാമിന് കച്ചവടം നടത്തിയിതിലെ പ്രധാന കണ്ണികളില് ഒരാളാണ് ദിവാകരന്. അതിനാല് ആ വഴിക്കും ട്രോളുകള് ഉണ്ടാകുമെന്ന് ഉറപ്പാണ്. നെടുമങ്ങാട് നിന്ന് ജയിച്ചെങ്കിലും മന്ത്രിസഭാ പ്രവേശനത്തിന് കാനം തടയിട്ടു. അന്ന് മുല്ലക്കരയും ദിവാകരനും കരച്ചിലിന്റെ വക്കോളമെത്തിയ ചിത്രം പത്രങ്ങളില് വന്നിരുന്നു. അതിനാല് അമിത്ഷാ സ്തുതിയുടെ പേരില് ദിവാകരന് എന്തൊക്കെ പരിഹാസവും വിമര്ശനവും കേള്ക്കേണ്ടിവരുമെന്ന് കാത്തിരുന്ന് കാണാം.
https://www.facebook.com/Malayalivartha
