തിരുവനന്തപുരം മണ്ഡലത്തില് കോണ്ഗ്രസ് ബിജെപി രഹസ്യധാരണയെന്ന് ആരോപണവുമായി എല് ഡി എഫ്...
തിരുവനന്തപുരം മണ്ഡലത്തില് കോണ്ഗ്രസ് ബിജെപി രഹസ്യധാരണയെന്ന് ആരോപണവുമായി എല് ഡി എഫ്. കഴിഞ്ഞ നിയമസഭയില് നേമത്ത് സംഭവിച്ചതു പോലെ അടിയൊഴുക്കിനുള്ള സാധ്യതയെന്ന് എല് ഡി എഫ് മണ്ഡലം തിരഞ്ഞെടുപ്പ് കമ്മിറ്റി ചെയര്മാന് എം.വിജയകുമാര് ആരോപിച്ചു. യു.ഡി.എഫ് സ്ഥാനാര്ത്ഥിയെ പാര്ട്ടിക്ക് തന്നെ വേണ്ടാതായിരിക്കുന്നുവെന്ന് സി.പി.എം ആരോപിച്ചു.
പ്രചാരണത്തില് മൂന്ന് ഘട്ടങ്ങള് കഴിഞ്ഞപ്പോള് തിരുവനന്തപുരത്ത് സി.ദിവാകരന് വിജയിക്കുമെന്നാണ് ഇടതുമുന്നണി വിലയിരുത്തല്. കണക്കുകള് കൂട്ടിയും കുറച്ചും നോക്കുമ്പോള് വിജയം പ്രതീക്ഷിക്കുന്നെങ്കിലും ത്രികോണ മല്സരം പ്രവചനാതീതമാണെന്ന ബോധ്യവും മുന്നണി നേതാക്കള്ക്കുണ്ട്.
സി.ദിവാകരനെ പരാജയപ്പെടുത്താന് ബി.ജെ.പിക്ക് അനുകൂലമായി കോണ്ഗ്രസ് വോട്ടുമറിക്കുമെന്നാണ് സി.പി.എം ആരോപണം. കഴിഞ്ഞ നിയമസഭയില് നേമത്തെ കോണ്ഗ്രസ് ഒ രാജഗോപാലിന് വോട്ടുമറിച്ചത് പോലെ ഇത്തവണയും അടിയൊഴുക്കുകള് സജീവമാണെന്ന് എല് ഡി എഫ് ആരോപിച്ചു.ലോക്സഭാ തിരഞ്ഞെടുപ്പില് തിരുവനന്തപുരത്തെ യുഡിഎഫ് പ്രചാരണം വിലയിരുത്താന് നിരീക്ഷകനെ നിയോഗിച്ചു. നാനാ പട്ടോളിനെയാണ് എ.ഐ.സി.സി നിരീക്ഷകനായി അയച്ചത്.
പ്രചാരണത്തില് പോരായ്മയുള്ളതായി ശശി തരൂര് പരാതി തന്നിട്ടില്ലെന്ന് കെ.പി.സി.സി. പ്രസിഡന്റ് മുല്ലപ്പള്ളി രാമചന്ദ്രന് പ്രതികരിച്ചു. വാര്ത്തകള്ക്ക് പിന്നില് രാഷ്ട്രീയ ഗൂഢാലോചന സംശയിക്കുന്നു. ഇരുപത് മണ്ഡലങ്ങളിലെയും യുഡിഎഫ് പ്രചാരണത്തില് പൂര്ണ തൃപ്തനല്ലെന്നും പോരായ്മകള് പരിഹരിച്ച് മുന്നോട്ട് പോകുമെന്നും മുല്ലപ്പള്ളി രാമചന്ദ്രന് കണ്ണൂരില് പറഞ്ഞു
തരൂരിനു വേണ്ടി കോണ്ഗ്രസ് പ്രവര്ത്തിക്കുന്നില്ലെന്ന പ്രചാരണത്തിനു പിന്നില് ബിജെപിയാണെന്നു പ്രതിപക്ഷ നേതാവ് രമേശ് ചെന്നിത്തല പറഞ്ഞു. തരൂര് പരാതി പറഞ്ഞിട്ടില്ല. അവിടെ ബിജെപി സ്ഥാനാര്ഥി കുമ്മനം രാജശേഖരന് ജയിക്കില്ല. തരൂര് തന്നെ ജയിക്കും. താന് തിരുവനന്തപുരത്തു പ്രത്യേക ശ്രദ്ധ നല്കുന്നുണ്ടെന്നും ചെന്നിത്തല പറഞ്ഞു.
"
https://www.facebook.com/Malayalivartha
