വിവാഹ ധനസഹായം കാലതാമസം മാപ്പാക്കുന്നതിനുള്ള അധികാരം ജില്ലാ വനിത ശിശുവികസന ഓഫീസര്‍മാര്‍ക്ക്
സാധുക്കളായ വിധവകളുടെ പെണ്‍മക്കള്‍ക്കുള്ള വിവാഹ ധനസഹായത്തിലെ ഒരു വര്‍ഷത്തിനകം ലഭിക്കുന്ന അപേക്ഷകളിലെ കാലതാമസം മാപ്പാക്കുന്നതിനുള്ള അധികാരം ജില്ലാ വനിത ശിശുവികസന ഓഫീസര്‍മാര്‍ക്ക് നല്‍കി ഉത്തരവ് പുറപ്പെടുവിച്ചതായി ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു.
വനിത ശിശുവികസന വകുപ്പ് രൂപീകരിച്ച സാഹചര്യത്തിലാണ് ജില്ലാ സാമൂഹ്യനീതി ഓഫീസര്‍മാരില്‍ നിന്ന് ഈ അധികാരം ജില്ലാ വനിത ശിശുവികസന ഓഫീസര്‍മാര്‍ക്ക് നല്‍കി ഉത്തരവ് പുറപ്പെടുവിച്ചത്. കൂടാതെ കാലതാമസവും ഇതുമൂലമുള്ള ബുദ്ധിമുട്ടുകളും സര്‍ക്കാരിന്റെ ശ്രദ്ധയില്‍പ്പെട്ടതിനെ തുടര്‍ന്നുമാണ് ഇങ്ങനെയൊരു തീരുമാനമെടുത്തത്. സാധുക്കളായ വിധവകളുടെ പെണ്‍മക്കള്‍ക്കുള്ള വിവാഹ ധനസഹായമായി 30,000 രൂപയാണ് നല്‍കുന്നത്. തദ്ദേശ സ്വയംഭരണ വകുപ്പ് വഴിയാണ് വിവാഹ ധനസഹായ പദ്ധതി നടപ്പിലാക്കുന്നത്.
https://www.facebook.com/Malayalivartha
