പി.എസ്.സി പരീക്ഷ മലയാളത്തില്... ചോദ്യങ്ങള് മലയാളത്തിലാക്കണമെന്ന ആവശ്യം പിഎസ്സിയുമായി ചര്ച്ച നടത്തുമെന്ന് മുഖ്യമന്ത്രി
പി.എസ്.സി പരീക്ഷ എഴുതുന്നവര്ക്ക് മലയാളത്തിലും ചോദ്യക്കടലാസ് ലഭ്യമാക്കണമെന്ന ഔദ്യോഗിക ഭാഷാ സമിതിയുടെ ആവശ്യത്തില് പി.എസ്.സിയുമായി ചര്ച്ച നടത്തുമെന്ന് മുഖ്യമന്ത്രി പിണറായി വിജയന്. പത്താം ക്ലാസിനു മുകളില് യോഗ്യത ആവശ്യമുള്ള പി.എസ്.സി പരീക്ഷകളില് പത്തു മാര്ക്കിന് മലയാളത്തിലുള്ള ചോദ്യങ്ങള് ഉള്പ്പെടുത്തിയിട്ടുണ്ടെങ്കിലും മാതൃഭാഷയില് ചോദ്യക്കടലാസ് ലഭിക്കുന്നില്ല.
മലയാളം മാധ്യമത്തില് പഠിച്ചിറങ്ങുന്ന വിദ്യാര്ത്ഥികള്ക്ക് ഇത് പ്രയാസമുണ്ടാക്കുന്നുണ്ടെന്ന് ഔദ്യോഗിക ഭാഷാ സമിതി ചൂണ്ടിക്കാട്ടി. ഈ പ്രശ്നം വീണ്ടും പി.എസ്.സിയുടെ ശ്രദ്ധയില്പ്പെടുത്താനും യോഗം തീരുമാനിച്ചു. ഭരണ ഭാഷ മലയാളത്തിലാക്കുന്നതിനുള്ള തീരുമാനം നടപ്പാക്കുന്നതു സംബന്ധിച്ച പുരോഗതി യോഗം വിലയിരുത്തി. ഫയലുകള് മലയാളത്തില് കൈകാര്യം ചെയ്യുന്നത് സംബന്ധിച്ച് ഉദ്യോഗസ്ഥര്ക്കും പുതുതായി ജോലിയില് പ്രവേശിക്കുന്നവര്ക്കും അവബോധ പരിപാടി സംഘടിപ്പിക്കാന് യോഗം തീരുമാനിച്ചു.
https://www.facebook.com/Malayalivartha
