ഭക്ഷ്യവിഷ ബാധയെ തുടര്‍ന്നല്ല മൂ​ന്ന​ര​ വ​യ​സു​കാ​രി​ ഗൗരി നന്ദ മരിച്ചതെന്ന് പ്രാഥമിക നിഗമനം. കുട്ടിക്ക് ന്യൂമോണിയ ബാധയുണ്ടായിരുന്നു. പോസ്റ്റ്മോര്‍ട്ടത്തിന് നേതൃത്വം നല്‍കിയ തിരുവനന്തപുരം മെഡിക്കല്‍ കോളേജിലെ ഡോക്‌ടര്‍മാരുമായി സംസാരിച്ച ചടയമംഗലം പൊലീസിനാണ് ഈ വിവരം മനസിലായത്.​ എന്നാല്‍ കൂടുതല്‍ പ‌ഠനങ്ങള്‍ നടത്തേണ്ടതായിട്ടുണ്ടെന്ന് ഡോക്‌ടര്‍മാര്‍ പറഞ്ഞതായി പൊലീസ് പറയുന്നു.

ക​ള്ളി​ക്കാ​ട് ​അം​ബി​ക​ ​സ​ദ​ന​ത്തി​ല്‍​ ​സാ​ഗ​ര്‍​ ​-​ ​പ്രി​യ​ ​ദമ്പതി​ക​ളു​ടെ​ ​ഏ​ക​ ​മ​ക​ള്‍​ ​ഗൗ​രി​ ​ന​ന്ദ​ ​മ​രി​ച്ച​ത് കുഴി മന്തി കഴിച്ചതിന് പിന്നാലെയാണെന്ന് പ്രചരിച്ചിരുന്നു. ഇന്നലെ രാവിലെ തന്നെ ച​ട​യ​മം​ഗ​ലത്ത് ഫുഡ് സേഫ്‌ടി വിഭാഗം അധിക‌ൃതര്‍ എത്തിയിരുന്നു. തലേ ദിവസം ഹോട്ടലില്‍ വിളമ്പിയ വിഭവങ്ങളുടെയും അതുണ്ടാക്കാന്‍ ഉപയോഗിച്ച അസംസ്‌കൃത പദാര്‍ത്ഥങ്ങളുടെയും സാമ്പിളുകള്‍ ശേഖരിക്കുകയുണ്ടായി . കുട്ടിയുടെ വീട് സന്ദര്‍ശിച്ച്‌ അവിടെയും ബാക്കി ഉണ്ടായിരുന്ന ഹോട്ടല്‍ ഭക്ഷണത്തിന്റെ സാമ്ബിളുകള്‍ ശേഖരിച്ച്‌ തിരുവനന്തപുരം സര്‍ക്കാര്‍ അനലറ്റിക്കല്‍ ലാബിലേക്ക് പരിശോധനയ്‌ക്ക് അയച്ചു.