അറബിക്കടലില് രൂപം കൊണ്ട ക്യാര് ചുഴലിക്കാറ്റിന്റെ തീവ്രത വര്ദ്ധിച്ചു... കേരളത്തില് ഒറ്റപ്പെട്ട മഴയ്ക്ക് സാധ്യത... ഇടുക്കി, പത്തനംതിട്ട, കൊല്ലം, തിരുവനന്തപുരം ജില്ലകളില് ഇന്ന് യെല്ലോ അലര്ട്ട്
അറബിക്കടലില് രൂപം കൊണ്ട ക്യാര് ചുഴലിക്കാറ്റ് തീവ്രമായതിനാല് വ്യാഴാഴ്ച വരെ കേരളത്തില് ഒറ്റപ്പെട്ട കനത്ത മഴയ്ക്കു സാധ്യത. 'ക്യാര്' ചുഴലിക്കാറ്റിനു പിന്നാലെ തെക്കുകിഴക്കന് അറബിക്കടലില് ലക്ഷദ്വീപ് തീരത്തിനടുത്തായി ബുധനാഴ്ചയോടെ പുതിയൊരു ന്യൂനമര്ദം കൂടി രൂപപ്പെടുമെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കി . ഇടുക്കി, പത്തനംതിട്ട, കൊല്ലം, തിരുവനന്തപുരം ജില്ലകളില് ഇന്ന് യെല്ലോ അലര്ട്ടും കൊല്ലം ജില്ലയില് ബുധനാഴ്ചയും ഇടുക്കി ജില്ലയില് വ്യാഴാഴ്ചയും ഓറഞ്ച് അലര്ട്ടും പ്രഖ്യാപിച്ചു.
തിരുവനന്തപുരം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി ജില്ലകളില് നാളെയും മറ്റന്നാളും യെല്ലോ അലര്ട്ട് തുടരും. ചൊവ്വാഴ്ച മുതല് വ്യാഴാഴ്ചവരെ തെക്കുകിഴക്കന് അറബിക്കടല്, കേരള തീരം, ലക്ഷദ്വീപ്, മാലദ്വീപ് മേഖല എന്നിവിടങ്ങളില് ഇടിമിന്നലോടുകൂടിയ മഴയ്ക്കും 50-60 കിലോമീറ്റര്വരെ വേഗത്തില് കാറ്റിനും സാധ്യതയുള്ളതിനാല് ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
