ഏഷ്യന് ഗെയിംസ് വനിതാ ക്രിക്കറ്റ് ... ഹര്മന്പ്രീത് കൗറും സംഘവും ഇന്ന് ആതിഥേയരായ ജപ്പാനെ നേരിടാനിറങ്ങുന്നു
ഏഷ്യന് ഗെയിംസ് വനിതാ ക്രിക്കറ്റ് സ്വര്ണം നിലനിര്ത്താനായി ഇന്ത്യ ഇറങ്ങുന്നു. ക്വാര്ട്ടറിലേക്ക് നേരിട്ട് പ്രവേശനം കിട്ടിയ ഹര്മന്പ്രീത് കൗറും സംഘവും ഇന്ന് ആതിഥേയരായ ജപ്പാനെയാണ് നേരിടാനിറങ്ങുന്നത്. ജയിച്ചാല് സെമി ഉറപ്പിക്കാനാകും. നഗോയയിലെ നിഷിനില് കൊറോഗി സ്പോര്ട്സ് പാര്ക്കില് ഇന്ന് രാവിലെ ഇന്ത്യന് സമയം 10.30 മുതലാണ് പോരാട്ടം നടക്കുക.
കഴിഞ്ഞ തവണ ശ്രീലങ്കയെ 19 റണ്സിന് വീഴ്ത്തിയാണ് ഇന്ത്യ സ്വര്ണം സ്വന്തമാക്കിയത്. കഴിഞ്ഞ ദിവസം എട്ടാം തവണയും ഏഷ്യാ കപ്പ് കിരീടം ഇന്ത്യ കരസ്ഥമാക്കിയിരുന്നു. കിരീട നേട്ടത്തിന്റെ ആത്മവിശ്വാസത്തിലാണ് ഇന്ത്യ ഏഷ്യന് ഗെയിംസ് പോരിനെത്തുന്നത്. ഓപ്പണിങില് സ്മൃതി മന്ധാനയും ഷെഫാലി വര്മയും ചേര്ന്ന സഖ്യം മിന്നും ഫോമിലാണ്. ഇരുവരുടേയും സ്പിന്നര്മാര്ടേയും മികവിലാണ് കഴിഞ്ഞ ദിവസം ഇന്ത്യ ഏഷ്യാ കപ്പുയര്ത്തിയത്.
അതേസമയം മധ്യനിര വേണ്ടത്ര സ്ഥിരത പുലര്ത്താത്തത് ഇന്ത്യക്ക് ആശങ്കയുണ്ടാക്കുന്നുണ്ട്. സെമിക്ക് മുന്പുള്ള പരിശീലന മത്സരമായിരിക്കും ഇന്ത്യയെ സംബന്ധിച്ച് ഇന്നത്തെ പോര്.
ഇന്ത്യന് ടീം: ഹര്മന്പ്രീത് കൗര് (ക്യാപ്റ്റന്), സ്മൃതി മന്ധാന, ഷെഫാലി വര്മ, റിച്ച ഘോഷ്,നന്ദനി ശര്മ, രാധാ യാദവ്, അരുന്ധതി റെഡ്ഡി, രേണുക സിങ്, ശ്രേയങ്ക പാട്ടീല് ദീപ്തി ശര്മ, ഭാര്തി ഫൂല്മാലി, ഗുന്ലാല് കമാലിനി, ശ്രീചരണി, ക്രാന്തിഗൗഡ്..
https://www.facebook.com/Malayalivartha
