പതിന്നാലാം കേരള നിയമസഭയുടെ പതിനാറാം സമ്മേളനം ആരംഭിച്ചു... ഉപതെരഞ്ഞെടുപ്പില് വിജയിച്ച അഞ്ചു പേര് എം.എല്.എമാരായി സത്യപ്രതിജ്ഞ ചെയ്തു
പതിന്നാലാം കേരള നിയമസഭയുടെ പതിനാറാം സമ്മേളനം ഇന്ന് ആരംഭിച്ചു. ആറു നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പിനു ശേഷമാണ് സഭ ചേര്ന്നത്. ഉപതെരഞ്ഞെടുപ്പില് വിജയിച്ച അഞ്ചു പേര് എം.എല്.എമാരായി സത്യപ്രതിജ്ഞ ചെയ്തു. കെ.യു ജനീഷ് കുമാര് (കോന്നി), എം.സി ഖമറുദ്ദീന് (മഞ്ചേശ്വരം), വി.കെ പ്രശാന്ത് (വട്ടിയൂര്ക്കാവ്), ഷാനിമോള് ഉസ്മാന് (അരൂര്), ടി.ജെ. വിനോദ് (എറണാകുളം) എന്നിവരാണ് നിയമസഭ സമ്മേളനം തുടങ്ങിയ ആദ്യ ദിവസം സത്യപ്രതിജ്ഞ ചെയ്തത്.
എം.സി. ഖമറുദ്ദീനും ഷാനിമോള് ഉസ് മാനും അല്ലാഹുവിന്റെ നാമത്തിലും കെ.യു ജനീഷ് കുമാറും വി.കെ പ്രശാന്തും സഗൗരവവും ടി.ജെ വിനോദ് ദൈവനാമത്തിലും ആണ് സത്യവാചകം ചൊല്ലിയത്. എം.സി. ഖമറുദ്ദീന് കന്നഡ ഭാഷയിലാണ് സത്യപ്രതിജ്ഞ ചെയ്തത്. പുതിയതായി സത്യപ്രതിജ്ഞ ചെയ്ത അഞ്ച് എം.എല്.എമാരെയും സ്പീക്കര് പി. ശ്രീരാമകൃഷ്ണന് സഭയിലേക്ക് സ്വാഗതം ചെയ്തു.
https://www.facebook.com/Malayalivartha
