ഫാസിൽ സംവിധാനം ചെയ്ത സൈക്കോ ത്രില്ലർ മലയാള ചിത്രം മണിച്ചിത്രത്താഴ് മലയാളികളുടെ മികച്ച ചിത്രങ്ങളിൽ ഒന്നാണ്. ചിത്രത്തിലെ ഓരോ സംഭാഷണങ്ങളും ഇന്നും മലയാളികൾക്ക് സുപരിചിതമാണ്. ചിത്രത്തിലെ അലിയും നഗുലന്റെയും സംഭാഷങ്ങളാണ് സമൂഹ മാധ്യമങ്ങളിൽ ഇപ്പോൾ വൈറലായിരിക്കുന്നത്. റസ്‌ലിങ് താരം ബിഗ് ഷോയെയാണ് മണിച്ചിത്രത്താഴിലെ നകുലനാക്കിയിരിക്കുന്നത്.

എന്നാൽ മാധ്യമങ്ങളിൽ വൈറലായ ട്രോൾ വീഡിയോയ്ക്ക് പിന്നിൽ ചങ്ങനാശ്ശേരിക്കാരൻ അജ്മൽ ആണ്. 48-ഓളം വീഡിയോ എഡിറ്റ് ചെയ്ത് അജ്മൽ പോസ്റ്റ്‌ ചെയ്തിട്ടുണ്ട്. പോസ്റ്റ് ചെയ്ത് വീഡിയോ കണ്ട് സോണി മ്യൂസിക് അജ്മലിനെ തേടിയെത്തിയിരിക്കുകയാണ്. അജ്മലിന്റെ ഓരോ വീഡിയോയും കാണുന്നവർക്ക് ഒന്നേ പറയാനുള്ളു. എല്ലാ വീഡിയോകളും ഒന്നിനൊന്ന് മെച്ചം. ലോകമെമ്പാടും ലക്ഷക്കണക്കിന് ആരാധകരുള്ള വീഡിയോ എഡിറ്റർ കൂടിയാണ് അജ്മൽ.  മലയാളം, തമിഴ്, ഹിന്ദി സിനിമകളിലെ പ്രമുഖ നടന്മാരും സംവിധായകരും ഇൻസ്റ്റഗ്രാമിൽ അജ്മലിന്റെ ഫോളോവേർസ് കൂടിയാണ്.