വിവാഹ ജീവിതം എന്നത് തുമ്മിയാൽ തെറിക്കുന്ന മൂക്കായി മാറിയ ഇക്കാലത്ത് ഇതാ തികച്ചും വ്യത്യസ്തമായൊരു പ്രണയ കഥ ...ഒളിച്ചോട്ടവും കൊലപാതകവും മാത്രം വായിച്ചു മടുത്തവർക്ക് മരുഭൂമിയിലെ മഴയാണ് അർച്ചനയുടെയും ദീപുവിന്റെയും സ്നേഹം .....അപകടത്തില്‍ ദീപുവിന്റെ കാലുകളുടെ ചലനശേഷി നഷ്ടപ്പെട്ടിട്ടും ആ പോലീസുകാരി ദീപുവിനെ സ്വന്തം ജീവിതയാത്രയിൽ ഒപ്പം കൂട്ടി യിരിക്കുകയാണ്

നേ​മം ഇ​ട​യ്ക്കോ​ട് താ​ന്നി​ക്ക​വി​ള ദി​വ്യ​ഭ​വ​ന​ത്തി​ൽ ജ​യ​ച​ന്ദ്ര​കു​മാ​റി​ന്‍റെ​യും ജ​യ​കു​മാ​രി​യു​ടെ​യും മ​ക​നാ​യ ദീ​പു​വും മാ​രാ​യ​മു​ട്ടം സ്വ​ദേ​ശി​നി അ​ർ​ച്ച​ന​യും ത​മ്മി​ൽ കാ​ഞ്ഞി​രം​കു​ളം കെ.​എ​ൻ.​എം. കോ​ള​ജി​ൽ ഡി​ഗ്രി​ക്ക് പഠിക്കുമ്പോൾ തുടങ്ങിയ പ്രണയമാണ്. സാധാരണ കലാലയ പ്രണയങ്ങൾ പോലെ തങ്ങളുടെ പ്രണയം ഒരു ഓട്ടോഗ്രാഫിലെ ഒതുക്കാതെ കോ​ള​ജ് ജീ​വി​തം ക​ഴിഞ്ഞും അവരുടെ പ്രണയം തുടർന്നു ...

ദീ​പുവിന് ക​ണ്‍​സ്യൂ​മ​ർ​ഫെ​ഡി​ൽ ജോ​ലി​ ലഭിച്ചതോടെ പ്രണയം വിവാഹത്തിലേക്ക് വഴിമാറാനുള്ള സമയമായെന്ന് സന്തോഷത്തിലായിരുന്നു അവർ .. ഇ​തി​നി​ട​യി​ൽ വെ​ള്ളാ​യ​ണി കാ​യ​ലി​ൽ കു​ളി​ക്കാ​നി​റ​ങ്ങി അ​പ​ക​ട​ത്തി​ൽ​പ്പെ​ട്ട് ന​ട്ടെ​ല്ലി​നു ക്ഷ​ത​മേ​റ്റ് ദീ​പു​വി​ന് അ​ര​യ്ക്ക് താ​ഴെ ച​ല​ന​ശേ​ഷി ന​ഷ്ട​പ്പെ​ട്ടു. പി​ന്നീ​ട് ദീ​പു​വി​ന്‍റെ ജീ​വി​തം വീ​ൽ​ചെ​യ​റി​ലാ​യി.

അ​പ​ക​ട​ത്തി​നു​ശേ​ഷം ദീ​പു പ​ല​വ​ട്ടം അ​ർ​ച്ച​ന​യോ​ട് ഈ ​ബ​ന്ധം ഉ​പേ​ക്ഷി​ച്ച് മ​റ്റൊ​രാ​ളെ വി​വാ​ഹം ക​ഴി​ക്ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും അ​ർ​ച്ച​ന അ​ത് നി​ര​സി​ക്കു​ക​യാ​യി​രു​ന്നു. പഠിച്ചു ജോലി നേടി ദീപുവിനെ തന്നെ വിവാഹം കഴിക്കുമെന്ന തീരുമാനത്തിൽ അർച്ചന ഉറച്ചുനിന്നു.. അ​ർ​ച്ച​ന​യു​ടെ ഇ​ഷ്ട​ത്തി​ന് മു​ന്നി​ൽ ബ​ന്ധു​ക്ക​ളും വ​ഴ​ങ്ങി​യ​തോ​ടെ വി​വാ​ഹം ന​ട​ക്കു​ക​യാ​യി​രു​ന്നു.

തുടർന്ന് കഠിന ശ്രമത്തിലൂടെ പിഎസ്‌സി പരീക്ഷ പാസായി അർച്ചന പൊലീസിൽ ജോലിക്ക് പ്രവേശിച്ചു... മൂന്നുമാസം മുമ്പായിരുന്നു പാസിങ് ഔട്ട് പരേഡ്. ഇപ്പോൾ മേനംകുളത്തെ വനിതാ ബറ്റാലിയനിലാണ്...

ഇ​ന്ന​ലെ രാ​വി​ലെ ശംഖുമുഖം ദേവി ക്ഷേത്രത്തിൽ ദീപു അർച്ചനയ്ക്കു താലി ചാർത്തിയത് വീൽ ചെയറിൽ ഇരുന്നുതന്നെ...ചികിത്സ തുടരുന്ന ദീപുവിന് ഇപ്പോൾ മുച്ചക്ര സ്കൂട്ടർ ഓടിക്കാൻ സാധിക്കുന്നുണ്ട് ...തുടർ ചികിത്സ ലഭിക്കുന്നതോടെ ജോലിക്ക് പോകാനും ജീവിതം പൂർണതോതിൽ തിരിച്ചുപിടിക്കാനും കഴിയുമെന്ന് തന്നെയാണ് നവ ദമ്പതികളുടെ പ്രതീക്ഷ ...ഇവർക്കായി നമുക്കും പ്രാർത്ഥിക്കാം