വോട്ടര്‍ പട്ടികയിലെ വിവരങ്ങള്‍ പരിശോധന നടത്തുവാനും തെറ്റുകളുണ്ടെങ്കില്‍ തിരുത്തുവാനും ആയി തെരഞ്ഞെടുപ്പ് കമ്മീഷന്‍ നടത്തുന്ന ഇ.വി.പി (ഇലക്ടേഴ്‌സ് വെരിഫിക്കേഷന്‍ പ്രോഗ്രാം) സ്മാര്‍ട്ട്ഫോണ്‍ ഉള്ള ആര്‍ക്കും എളുപ്പത്തില്‍ ചെയ്യാം. ചെയ്യേണ്ടത് ഇത്രമാത്രം. നവംബര്‍ 10 ന് മുന്‍പായി www.nvsp.in എന്ന വെബ്സൈറ്റിലൂടെയോ പ്ലേസ്റ്റോറില്‍ ലഭ്യമാകുന്ന വോട്ടര്‍ ഹെല്പ് ലൈന്‍ ആപ്പ് ഉപയോഗിച്ചോ ഓരോ വോട്ടര്‍മാര്‍ക്കും താങ്കളുടെയും കുടുംബാംഗങ്ങളുടെയും വിവരങ്ങള്‍ പരിശോധിച്ച് തെറ്റുകള്‍ തിരുത്താം.

1. ആദ്യം   www.nvsp.in വെബ്സൈറ്റ് ഓപ്പണ്‍ ചെയ്യുക.
2. ഇലക്ടേഴ്‌സ് വെരിഫിക്കേഷന്‍ പ്രോഗ്രാം (ഇ.വി.പി) എന്ന ലിങ്കില്‍ ക്ലിക്ക് ചെയ്യുക
3. ഒരു യൂസര്‍ അക്കൗണ്ട് രജിസ്റ്റര്‍ ചെയ്യുക. ഇതിനുവേണ്ടി മൊബൈല്‍ നമ്ബര്‍ നല്‍കി, അതിലൂടെ ലഭിക്കുന്ന ഒടിപി (വണ്‍ ടൈം പാസ്വേഡ്) നല്‍കുക. ശേഷം തിരിച്ചറിയല്‍ കാര്‍ഡ് നമ്ബര്‍, പേര്, ഇമെയില്‍ ഐഡി, പാസ്വേഡ് എന്നിവ നല്‍കുക
4. അക്കൗണ്ടില്‍ ലോഗിന്‍ ചെയ്യുക. ഇ.വി.പി ലിങ്ക് ക്ലിക്ക് ചെയ്യുക.
5. ക്ലിക്ക്-വെരിഫൈ സെല്‍ഫ് ഡീറ്റെല്‍യിസ്> വ്യൂ ഡീറ്റെയില്‍സ്
6. ഫോട്ടോ ഉള്‍പ്പെടെ പട്ടികയില്‍ എല്ലാ വിവരങ്ങളും ലിസ്റ്റ് ചെയ്യുന്നതാണ്. തെറ്റില്ലെങ്കില്‍ ഈസ് ഇന്‍ഫര്‍മേഷന്‍ ഡിസ്പ്ലെയിഡ് ഈസ് കറക്ട് എന്നതില്‍ ക്ലിക്ക് ചെയ്ത് ലിസ്റ്റ് ചെയ്യുന്ന ഏതെങ്കിലും ഒരു രേഖ അപ്ലോഡ് ചെയ്യുക.
7. തിരുത്തലുകള്‍ ആവശ്യമെങ്കില്‍ ഇന്‍ഫര്‍മേഷന്‍ ഡിസ്പ്ലെയിഡ് നീഡ്സ് കറക്ഷന്‍ എന്നതില്‍ ക്ലിക്ക് ചെയ്ത് ആവശ്യമായ ഫീല്‍ഡ് സെലക്ട് ചെയ്ത് ശരിയായ വിവരങ്ങള്‍ നല്‍കി രേഖ അപ്ലോഡ് ചെയ്യുക
8. ശേഷം കുടുംബത്തിലെ മറ്റ് അംഗങ്ങളുടെയും വിവരങ്ങള്‍ വെരിഫിക്കേഷന്‍ നടത്താവുന്നതാണ്
9. ഫാമിലി ലിസ്റ്റിങ് & ഓതന്റിഫിക്കേഷന്‍ സെലക്ട് ചെയ്ത് അതില്‍ ഫാമിലി ലിസ്റ്റിങ് ക്ലിക്ക് ചെയ്യുക.
10. മറ്റ് അംഗങ്ങളുടെയും വോട്ടേഴ്സ് ഐഡി കാര്‍ഡ് നമ്ബര്‍ നല്‍കി ഫാമിലി മെമ്ബര്‍ ആയി അഡ് ചെയ്യുക
11. താമസം മാറിയവരോ മരണപ്പെട്ടവരോ ഉണ്ടെങ്കില്‍ പ്രസ്തുത വിവരവും രേഖപ്പെടുത്തുവാന്‍ ഓപ്ഷന്‍ ലഭ്യമാണ്
12. ഫാമിലി വെരിഫിക്കേഷന്‍ ലിങ്കില്‍ പോയി ഓരോ അംഗത്തിന്റെയും വെരിഫിക്കേഷന്‍ നടത്തുക
13. വെരിഫിക്കേഷന്‍ നടത്തുമ്‌ബോള്‍ ഭിന്നശേഷിക്കാരായവരുടെ (പിഡബ്ല്യൂഡി) വിവരങ്ങളും നല്‍കാവുന്നതാണ്
14. അണ്‍റോള്‍ഡ് മെമ്ബഴേസ് ലിങ്കിലൂടെ 16 വയസ്സില്‍ കൂടുതലുള്ള, വോട്ടേഴ്സ് ലിസ്റ്റില്‍ പേരില്ലാത്തവരുടെ ഡീറ്റെയില്‍സ് നല്‍കാവുന്നതാണ്
15. പോളിങ് സ്റ്റേഷന്‍ ഫീഡ് ബാക്ക് ക്ലിക്ക് ചെയ്ത് ബൂത്ത് സംബന്ധിച്ച ഫീഡ്ബാക്ക് നല്‍കാവുന്നതാണ്.