ഭാഗ്യത്തിന് സമയം തെറ്റില്ല; ഭാഗ്യക്കുറി വില്പനക്കാരിയായ ലേഖയ്ക്ക് ഒന്നാം സമ്മാനം; അടിച്ചത് നറുക്കെടുപ്പിന് മിനിറ്റുകള് മുന്പ് എടുത്ത ടിക്കറ്റ്
നറുക്കെടുപ്പിന് മിനിറ്റുകള് മുന്പ് ടിക്കറ്റ് എടുത്തു. അടിച്ചത് ഒന്നാം സമ്മാനം. ആലപ്പുഴ സ്വദേശിനി ലേഖ പ്രകാശിനെയാണ് സമയ തെറ്റാതെ ഭാഗ്യം തേടി വന്നത്. അക്ഷയ ഭാഗ്യക്കുറിയുടെ ഒന്നാം സമ്മാനം 60 ലക്ഷം രൂപയും 8000 രൂപ വീതമുള്ള 11 പ്രോത്സാഹന സമ്മാനങ്ങളുമായിരുന്നു. ഭാഗ്യക്കുറി വില്പനക്കാരി കൂടിയായിരുന്നു ലേഖ. കൊമ്മാടി കുയില് ലോട്ടറി ഏജന്സിയില് നിന്നും ഇന്നലെ 2.58നായിരുന്നു ലേഖ എവൈ771712 നമ്പറിലെ ടിക്കെറ്റെടുത്തത്. 3 മണിക്കായിരുന്നു നറുക്കെടുപ്പ് നടന്നത്.
ലോട്ടറി ടിക്കറ്റ് എസ്ബിഐ സിവില് സ്റ്റേഷന് വാര്ഡ് ശാഖയിലാണ് എത്തിച്ചത്. രണ്ട് വര്ഷം കലക്ടറേറ്റിന് മുൻ വശത്ത് ലോട്ടറി വില്പന നടത്തി വരികയായിരുന്നു ലേഖ. എന്നാൽ ലോറി ഡ്രൈവര് ആയിരുന്ന ഭര്ത്താവ് കെ.ആര്.പ്രകാശിന് വാഹനാപകടം സംഭവിച്ചു. ഇതിന് പിന്നാലെ ലോട്ടറി വില്പന അവസാനിപ്പിക്കുകയായിരുന്നു. ഭര്ത്താവും മക്കളായ കൃഷ്ണപ്രിയ, കൃതി കൃഷ്ണ, കാര്ത്തിക് കൃഷ്ണ, ദേവി കൃഷ്ണ എന്നിവരടങ്ങുന്ന കുടുംബത്തിന് സ്വന്തമായി വീടും സ്ഥലവുമില്ല. സ്വന്തമായി ഒരു വീട് നിര്മിക്കാനും ഒരു ലോട്ടറിക്കട തുടങ്ങാനുമുള്ള പദ്ധതിയിലാണ് ലേഖ.
https://www.facebook.com/Malayalivartha